الأربعاء، أكتوبر ١٢، ٢٠٠٥

افرض مثلاً

ضعيفة أنا أمام الأماكن المفتوحة، وفي مكان شديد الانفتاح جلست وحولي مجموعة من المدونين، أحاول حصر العلامات على أنهم حقيقيون. بعد ساعة لازلت لا أربط بين شخصياتهم التدوينية وهؤلاء الجالسين أمامي يضحكون على نكات يتبادلونها ويشربون شايا وقرفة وكركديه أحضره النادل في المرة الأولى ساخناً فأعادوه لأنهم طلبوه مثلجاً، غريب أن تطلب شخصية افتراضية كركديه مثلج وتعيده بعد أن جاء ساخناً، هل تدور في رؤوسهم نفس الفكرة؟
أسر لي البعض أن شخصية المدون يضيع جزء منها حين تتحول إلى حقيقة، خاصة هؤلاء الذين يدونون بأسماء مستعارة، ولكنني وجدتهم أجمل، ربما لأنهم حقيقيون يشربون شاياً وكركديه وقرفة؟ صعب أن تشاركك مدونة فنجان شاي، فما بالك بالكركديه؟ والقرفة طبعاً خارج المناقشة! صعب أن تضحك على نكتة في مدونة فتبادلك المدونة الضحك، صعب أن تجتمع، في مجتمعي أنا على الأقل مع هذا العدد من الموهوبين على مائدة واحدة، في مكان مفتوح، وهواء جميل، وتشرب شاياً، وكركديه وقرفة! ا
وانبسطت! ا

16 Comments:

Blogger Zeryab said...

فكرتينى أول مرة قابلت فيها جار القمر وعماد ...رحنا قعدنا على قهوة كل اللى عملته قعدت اشرب الشاى بتاعى واتفرج عليهم واراقب كل حركة بيعملوها..ما صدقتش انهم موجودين على الأرض بجد الا بعد ما قابلتهم تانى ..كانت صدمة حضارية ..بعد فترة عرفت انى كسبت انتين هيبقوا مهمين فى حياتى ..وآه نسيت لون ولف ..اللى كان بيكره ان حد يقوله يا لون ..

الخميس, أكتوبر ١٣, ٢٠٠٥ ٤:٤٣:٠٠ ص  
Blogger African Doctor said...

:))

الخميس, أكتوبر ١٣, ٢٠٠٥ ١٢:١٠:٠٠ م  
Anonymous غير معرف said...

:))

this already happens "3alkahwa"

:))

الخميس, أكتوبر ١٣, ٢٠٠٥ ٣:٠٠:٠٠ م  
Blogger Pianist said...

انا بحب اتعامل مع المدونين علي انهم مدونين
انا قابلت كتير منهم لكن بقينا صحاب مابقتش باقعد معاهم عشام احنا بلوجرز بقيت باقعد معاهم عشان دول صحابي
انا باعترف ان الشخصية علي البلوج مختلفة عن الشخصية الحقيقية
بس زي مانتي قلتي الحقيقي احلي كتير
لكن كل ما بافتح بلوج حد فيهم باتعامل معاه علي اني ماعرفش صاحب البلوج ده
ماعرفش ليه

الخميس, أكتوبر ١٣, ٢٠٠٥ ٣:٥٤:٠٠ م  
Blogger Milad said...

وراء كل مدوّنة بني آدم، ممكن جدًا يكون بيشرب قرفة :)
ـ

الخميس, أكتوبر ١٣, ٢٠٠٥ ٤:٤٣:٠٠ م  
Blogger Solo said...

لا مؤاخذة يا رجالة .... أنا مش حاسس بكل دا مش عارف ليه؟
يمكن عشان بتعامل مع الحاجة زي ما هي سواء كانت من خلال النضارة و شاشة الكمبيوتر أو من خلال النضارة بس
المهم ايه اللي شايفه أدامي عشان أجمع البازل

الجمعة, أكتوبر ١٤, ٢٠٠٥ ١:٢٠:٠٠ ص  
Blogger hesterua said...

بيقولوا كل اناء ينضح مما فيه
اكيد المدون بيكتب عن نفسه وعن الناس
اللى حواليه
اكيد جذء كبير من شخصيته بيظهر فيها ولو غصب عنه
بس الأختلاف اعتقد ممكن يكون فى الأختلافات العادية بين شخص واخر
زى العصبية والقلق وكده يعنى

السبت, أكتوبر ١٥, ٢٠٠٥ ٨:٠١:٠٠ م  
Blogger shamoussa said...

انا كمان انبسطت
:)))

السبت, أكتوبر ١٥, ٢٠٠٥ ١١:٣٧:٠٠ م  
Blogger سؤراطة said...

:))

الأحد, أكتوبر ١٦, ٢٠٠٥ ١٢:٢٤:٠٠ ص  
Blogger ibn_abdel_aziz said...

عقبال اما اشوفكوا ان شاء الله

مع ان مواضيعي جد وناشفة
بس انا شخصيا مرح

او يمكن بيتهيألي
:|

:)

الأحد, أكتوبر ١٦, ٢٠٠٥ ٤:٠٧:٠٠ م  
Blogger سؤراطة said...

ابن عبد العزيز: مش يمكن بيتهيألك إن مواضيعك جد وناشفة؟ :)) ا

الأحد, أكتوبر ١٦, ٢٠٠٥ ٦:٣٤:٠٠ م  
Anonymous غير معرف said...

3ayzeen nekararha 3ashan netefe2 3ala "shoraka2 fel karama" I really enjoyed my time ma3 no3 gedeed men el nas :-) lam yatafeko fy ay shay2 3'er el blogging

الأحد, أكتوبر ١٦, ٢٠٠٥ ١١:٠٠:٠٠ م  
Blogger ibn_abdel_aziz said...

والله يا سقراط يمكن مش عارف
:)
الناس بتقول علي انت واخد الدنيا جد علطول ليه
ريلاكس

المهم
احب ان اكون في وسط من يفكرون بغض النظر عن الاختلاف او الاتفاق مداه أد ايه

لاني عشت وسط قوالب و نسخ كتير قوي
نراكم قريبا ان شاء الله

الثلاثاء, أكتوبر ١٨, ٢٠٠٥ ٧:٣٣:٠٠ ص  
Blogger سؤراطة said...

ابن عبد العزيز:

"نلقاكم قريباً"
أكيد
وأعدك بكمية من الاختلاف تغنيك مدة طوييييييييييلة جداً :))

الخميس, أكتوبر ٢٠, ٢٠٠٥ ٧:٣٢:٠٠ م  
Blogger citizenragab said...

أزال أحد مشرفي المدونة هذا التعليق.

الخميس, أكتوبر ٢٠, ٢٠٠٥ ٨:٢٩:٠٠ م  
Blogger citizenragab said...

اعتقد انها تجربه غير لذيذه
ذهبت ذات مرة الي ندوة(مصر للثقافه والحوار)ورأيت اكثر من مدون

بصراحه

البعض تكون مدونته(قناعه) افضل بكثير منه شخصيا

الخميس, أكتوبر ٢٠, ٢٠٠٥ ٨:٣٦:٠٠ م  

إرسال تعليق

<< Home

<
eXTReMe Tracker
Office Depot Coupon Codes
Office Depot Coupon Codes