الثلاثاء، أغسطس 08، 2006

الكافور قبل الخبز أحيانًا

أجده شيء عجيب ومثير للقلق جدًا ودلالة على حالة ضلالات جماعية تحف مجتمعنا الذي أصبح موطنًا للغرائب أن يشكو ذكر الآن في أيامنا هذه وحالة شوارعنا تلك من "إنه تعبان من لبس الستات"

هل نتحدث عن مكان آخر غير مصر؟ هل الحوار عن الصين مثلاً؟ فتيات مصر بعون الله 99 بالمائة منهن يؤمن إنهن عورات سواء كاشفات أم كاسيات، و90 بالمائة منهن يرتدين غطاء الرأس المسمى خطأً الحجاب، فأن أي شيء يتحدث الرجال الشاكون - كان الله في عونهم - من الإثارة المتعبة في الشوارع؟

أيتحدثون عن شوارع مصر؟ التي تشكو فيها مرتديات غطاء الرأس من تعرضهن للتحرش إلى حد تعبير لست أدري في تدوينة قديمة عن رغبتها في إطلاق الرصاص على الرجال "البصباصين" الذين لو لم يعبروا بالكلمات فعيونهم تخترقها؟

ياجماعة إتقوا ربنا.. دا الحر أهون من عيونكم يا رجالة ****.. الجشع واللؤم ماليكم..
تعرفوا وأنا ماشية فى الشارع، ساعات بيبقى نفسى أمسك مسدس وأدور فيكم واحد واحد..
بقى أنا واحدة كفيت خيرى شرى ومشيت جنب الحيط.. حطيت الحجاب ولسه بتكعبلونى بنظراتكم (مع العلم إنكم طلعتوا ولا عندكم نظر أصلاً.. ).. أمال لو كنت الآنسة عجرم كنتوا عملتوا إيه؟!


أيتحدثون عن شوارع مصر التي لو جرؤت فيها فتاة على كشف ذراعيها ما فوق العضلة ثنائية الرأس تتعرض لإبداء الرأي في أخص صفاتها التشريحية من كل من يحمل الرقم 1 في بطاقة الرقم القومي الجديد؟

أيتحدثون عن شوارع مصر التي نُفْحَص فيها من رؤوسنا إلى أخمص قدمينا بشكل يومي بغض النظر عما نرتديه وبغض النظر عن درجة جمالنا أو أناقتنا (الحق يقال، الذكور البصباصين لديهم مساواة تامة بين كل مستويات الجمال، لا تفرقة هنا، كل في التحرش سواء)؟

أتعجب أن يشكو أحد في ظل الحرارة الشديدة التي تمر بالبلاد. ألا يحق للنساء أن يشعرن بالحرارة فيخففن من ملابسهن؟ هل كل مار أهم منهن؟ أهم من راحتهن ، من آدميتهن كأشخاص لديهن مراكز حرارية بأدمغتهن؟

أتدرك الفتيات عبث الملاحقة المجنونة التي يحاولنها بأغطية الرأس والعباءات وثوب الرجل الوطواط المسمى الإسدال؟ أيدركن إن المسألة هي اختيار الرجل ما بين أن يتحكم في نفسه أو يعتبر الدنيا مأدبة كبيرة من النساء؟ وإنهن لو اختفين من على وجه البسيطة فستشكو تلك النوعية من الذكور من "ذكراهن" ومن صورهن في المخيلات المريضة؟

أقر إنني عاجزة عن فهم ذلك الكائن المسمي الذكر المصري. للمرة الألف لا أفهم لماذا يعتقد إن هرموناته تختلف عن هرمونات أباه الذي عاش في الستينات وكانت النساء ترتدين الميكرو جوب ولم تكن حالة التحرش في الشوارع على ما هي الآن من جنون (اسأل الوالدة)، لماذا يعتقد إن هرموناته مختلفة عن هرمونات الرجل الأوروبي الذي يسير في الشارع ولا يتحرش بأي امرأة مهما كانت ملابسها (لإنها جريمة ربما بينما لدينا نسميها باسم الدلع "معاكسة"؟) لماذا يظن إن المرأة لا تشعر بالحرارة ولا بالضيق ولا بالرغبة في أن يمس الهواء جسدها وشعرها مثله؟

لا أفهمه ولا أفهم لماذا يعتقد إن غريزته الجنسية مختلفة عن غريزة المرأة. يرتدي ما يسمى " قميص العضلات"
Muscle T
والشورت القصير ورداء السباحة الذي لا يغطي إلا 10% من جسده ويصرخ شاكيًا من امرأة تكشف ذراعيها أو ركبتيها؟

أي خبل ومس جنون أصاب ذكورنا؟
طبعًا، فطالما سارت النساء معاملات أنفسهن على إنهن عورات فليس أقل من أن يعالمهن الآخرون على إنهن كذلك. أخذنا نسحب أجسادنا من الحياة قطعة بعد قطعة حتى ظن الذكور إن أي قطعة مكشوفة هي رخصة لإطلاق العنان لأمراضهم وتكون هي المخطئة على أي حال.

أعمل إيه يعني أتجوز وأقعد في البيت ولا أمارس الخطيئة؟
ما هذا؟ أطفل في الخامسة يتحدث عن عدم قدرته على ضبط نفسه حتى الوصول إلى دورة المياه؟
وأعود فأقول: نحن النساء كأمهات وكعضوات في المجتمع مسؤولات عن حالة انعدام النضج التي وصل إليها ذكور يتبهاون بشواربهم - ولا أعرف لماذا فيبدو إنها تهتز أمام ذراعي أي أنثى - نحن اللائي حططنا من أجسادنا، ربما تكون العدالة إذن أن ندفع الثمن بأن نتحمل بلاء كل ذكر مار ينام قرير العين بإنه لا ذنب له، فالنساء هن المسؤولات - حد كان قالهم يتولدوا؟

لا جدوى من اتحاد الجيوش العربية ودخولها في حروب، فيكفي أن يجند العدو بعض النساء، ليكشفن عن سيقانهن، فيصاب الذكر العربي بالجنون والعته واحتباس البول وفقدان الإحساس بالزمن، بل ربما أدرك الجيش المصري ذلك وعليه فزيت الكافور هو الزيت المفضل للفول المقدم للمجندين، ربما حتى يضيعوا على العدو نقطة الضعف تلك.

ادعموا زيت الكافور، وحلوا عن سمانا


24 Comments:

Anonymous غير معرف said...

:D now i can say u r really back
Welcome back missing ur stroong an brave articles
ana sootty ma3akkyyy

Fady W

الثلاثاء, أغسطس 08, 2006 3:30:00 م  
Blogger Mohammed Sameer said...

يا شيخه دى حاجه تفقع
النهارده وصلت لحالة قرف شديده و انا باسمع كلام من ده و بمنتهى البساطة سبت اللى بيكلموا و مشيت

ده انا نفسى بيتبصلى فى الشارع و انا ماشى و لكن لاسباب اخرى بالتاكيد

اكتر ما عجبنى لما كنت فى اوغندا ان كل واحد بيعمل اللى عايزه م مالوش دعوة بالتانى

الثلاثاء, أغسطس 08, 2006 3:52:00 م  
Anonymous غير معرف said...

المشكلة اللى الناس البصاصين دول ما بيرضوش لبناتهم انهم يخرجوا الشارع من غير حجاب أو لبس متحشم ويقولولك عشان عيون الناس بقت متوحشة
شعب بضان صحيح

الثلاثاء, أغسطس 08, 2006 4:08:00 م  
Blogger ahmad said...

بس اليصبصة مش كل حاجة بردو
الزن ع الودان... من البنت المحجبة للأخرى الـ"مسيبة".. و الشعور بالذنب .. و الجهل بالدين.. المعلقات في الاوتوبيسات.. و على رأي فتاة أعرفها عندما ناقشتها في هذا الأمر:
يعني كل البنات اللي في الشارع دول غلط و انت اللي صح؟

و بالامس أخطأت و دخلت حديقة الازهر.. رأيت جحافل من سيدات بالنقاب يفترشون أغلب الحديقة .. يمسكون أقلاما و مصاحف..أعتقد أنهن تجاوزن الخمسمائة.. و منهم طفلات بالنقاب.. أو بالاسدال على الأقل

ليس الرجل وحده هو السبب
الجنس الآخر أيضا ..لا يترك إحداهن في حالها

الثلاثاء, أغسطس 08, 2006 5:00:00 م  
Blogger Rose said...

الفكرة يا سقراط ان الراجل الشرقي اتعود انه يرمي الغلط في اي حاجة على البنت، وكان غريزته متلككة تستثار عتد اول ختة تبان من جسم اي واحدة، والغريب ان اللي بيتكلموا عن ضرورة الحجاب باعتباره فرض شرعي مسمعوش عن اختراع في الدين اسمه غض البصر.. سواق تاكسي مرة قالي: انا محدش يكلمني عن غض البصر!! وكأن الدين نزل مخصوص عشان يبقى سيف على رقبة البنت ويخنقها ويطلع دين اللي جابوها.. حاجة في منهى القرف.. بجد تدوينة هايلة.. احييكي

الثلاثاء, أغسطس 08, 2006 7:08:00 م  
Blogger The Eyewitness said...

الحمد لله أن لسة في حد شايف الواقع بالشكل ده لحسن انا بقالي كام شهر كل ما أركب مع تاكسي ويفتح موضوع لبس البنات ده دمي يتحرق وأقعد أتكلم وأفهمه أن المشكلة مش فيهم المشكلة فينا أحنا ولو أختفوا خالص هتفضل تتخيل مناظر في دماغك وهيبقى الحال كما هو عليه...لحد ما أبتديت أحس أني أهبل وسط المجتمع ده وناس بتحس أني أما كائن فضائي أو عميل من فرنجة آلي عايزين يفسدوا أخلاق الناس.
شكراً على هذه التدوينة يا سقراط.

الأربعاء, أغسطس 09, 2006 12:36:00 ص  
Anonymous غير معرف said...

you are completely right and the egyptian males are hooked up in the think of sex from their early teens till they die and you'll see the a lot of men that they do that harrismant thing are already married so they have no excuse i think becoz they think of women as gawary and i really find it disgusting

الأربعاء, أغسطس 09, 2006 1:01:00 ص  
Blogger Bassma said...

احييكي جدا جدا ..

الأربعاء, أغسطس 09, 2006 1:33:00 ص  
Blogger Socrates said...

أنا لسة برضة فيه سؤال مش لاقية إجابته: هما بيشوفوا البنات دول فيييييييين؟ يعني الشارع المصري بقى يندر فيه إنك تشوف واحدة مش مغطية شعرها ناهيك عن كونها لابسة من غير أكمام مثلاً، فهما بيشتكوا من إيه؟ وإل بيشتكوا منه ده بيشوفوه فييييييين؟

الأربعاء, أغسطس 09, 2006 3:14:00 ص  
Blogger Socrates said...

Fady W:
And you, won't you come back ba2a?

محمد سمير: للأسف بخلاف التحرش الجنسي شوارعنا غير ودودة إطلاقًا. اسمع التعليقات التي يتعرض لها قصار القامة مثلاً أو أصحاب الوزن الزائد
شيء مخجل ... إحنا مجتمع مش متربي

الأربعاء, أغسطس 09, 2006 3:17:00 ص  
Blogger Mohammed Sameer said...

ابليس قالها حكمة يا سقراط:

بالمختصر خراء ، و المجتمع المصري الذى يفترض وجوده ليس أكثر من مبولة عامة في رمسيس تمتلئ بالعنصرية و الشوفونية و عقد النقص و الاضطهاد و الخوف من الأخر و الجهل كل هذا يسبح في ماء بول أصفر حامض الطعم راكد الحركة

الموضوع يتجاوز التعليقات الكلامية

امبارح كنت ماشى على الكورنيش الساعة 3 قبل الفجر و مش ممكن كم السفالة و قلة الادب اللى الواحد ممكن يتعرضلها من اللى ماشيين و اللى راكبين موتوسيكلات
ماكانش ممكن من اللى راكبين العربيات لان الطريق واقف

الموضوع مش موضوع بنات محجبات او غير محجبات
فيه حاجة غلط فى بنية المجتمع عموما لان مش كل الدول كده

لو الموضوع بصات بس فدى نظره منى من غير كلام بتحلها لكن و بعدين ؟

الأربعاء, أغسطس 09, 2006 11:10:00 ص  
Blogger أحمد said...

بمناسبة التحرشات
انا بتحرك كل يوم بركب من محطة مترو فيصل حتى مترو جمال عبد الناصر الاسعاف

و كل يوم في مجموعات كائنات
عايزه ضرب النار بتمارس عليا ضغط اكتر من التحرش الجنسى و هما بتوع التبرع بالدم
تلاقي الواحد طلع من تحت الارض و انت في عز الحر و العرق و يمسك ايديك و يشدك
و يقولك تعال اتبرع معانا

الخميس, أغسطس 10, 2006 5:16:00 م  
Blogger mizo said...

2abl ma a2ra akher paragraph kont bagahhez el comment 3an dor el sett ka omm fel tarbeya el ghalat wel mafhoom el ghalat 3an en gesm el sett 3awra lazem testakhabba, bas saba2teeny:))
ya socrata el moshkela mesh beyshoofohom fein,zay manty 2olty el we7sha btet3akes wel 7elwa btet3akes wel mo7aggaba btet3akes welli mesh mo7aggaba btet3akes, el moshkela fel demagh w f en mafeesh kanoon w f en ma7addesh beykhalleeh f nafso, 3ala fekra el 3enwan 3agabny awy:)

الجمعة, أغسطس 11, 2006 11:56:00 م  
Blogger hesham said...

اذا كنت مهتمة بقراءة رد يمثل الرأى الاخر

ارجو قراءة ردى



هنا

الأحد, أغسطس 13, 2006 12:31:00 ص  
Anonymous غير معرف said...

المشكله نابعه من التربيه البيت والمدرسه فقدوا الدور التربوي وترك هدا الدور للتلفزيون والسينما والكل يعلم مادا يعرض على الشاشات وما هو الغرض منه,

الاثنين, أغسطس 14, 2006 11:21:00 م  
Blogger meshmesha said...

السلام عليكم اولا

دلوقتى انا شايفه ان رد هشام معقول جدا وكلامه واقعى بعيدا عن كلام الافلام بتاع صفوت الشريف الله يخرب بيته
مش فاهمه انا الستات عايزين ايه تحبوا نفقع ليكوا عنين الرجاله كلهم من اول ما يتولدوا عشان تقدروا تمشوا من غير هدوم
وبعدين حر ايه وبتاع ايه والله العظيم الرجاله بقوا يلبسوا محترم عن البنات الى هما الرجاله الرجاله
مش الى شبهم الى بيبقوا لابسين شورتات وبناطيل ضيقه هاتموتهم وكابسه على افكارهم و لازقين شعرهم ب .......ماشيها جيل و وبص عليهم كده عند الكوافير الى هو المفروض رجالي بعملوا ايه
المهم فى حد من الى هنا قال ان الى بيحصل ده جهل بالدين
الحقيقه استوقفتنى الكلمه يا ترى مين الى جاله بالدين مش فاهمه الى هى لابسه حجاب حجاب حقيقى مش الى ملزوق على راسهم والباقى فى التراوه ولا يقصد بكده الى هما مش لابسين هدوم
مين يعنى الى هما مش فاهمين الدين
وبعدين يعنى ليه مش كل واحد يبقى عنده اخلاق الست تصون نفسها من غير بقى الكلام المفقع بتاع اصلها شايفه نفسها عوره ومش عارف ايه والبتنجان ده والراجل كمان يغض بصره وبعد كده بقى لهم ولنا الله فى هذه الدنيا
ومعلش يااخ هشام انا شايفه الى مستهون بشكوى الشاب ده حاجه من اثنين يا اما هو ما جربش اساسا حرمان وعلى افتراض حسن النيه انه السيد والده جوزه وهو عنده 18 سنه كده ولا حاجه يا اما بقى كان بيزنى
هو فى كمان حاله ثالثه .........كده يعنى
وبعدين مش فاهمه انا الحمد لله محجبه وبالبس لبس حشم ومش هاموت من الحر ولا حاجه وباخرج وبادى دورى فى المجتمع عادي جدا والمتحرشين الى انتم بتقولوا عليهم بيقابلونى وبياخدوا على دماغهم والدنيا ماشيه عادي
ولو انا شايفه ان التحرش اكبر كتير من انه يبقى مجرد نظره
وبعدين الاخر الى بيبرر ان الستات يمشوا من غير هدوم عشان الحر لان الرجاله ماشين من غير هدوم ولابسين لبس غير لائق
مش ا لمفروض برضه اننا نقول للرجاله والستات اتلموا واحترموا نفسكم بدل ما الستات يقولوا اشمعن الرجاله تقلع اما نقلع هنا كمان
اتلقع عنيهم كلهم ونرتاح منهم
والى عايز يتكلم اى كلام ما يدخلش الدين فى كلامه اصل انا باتخنق من كده
وبعدين ايه حكاية ان كل ما حد يتكلم عن الغرائز الانسانيه نلاقى ناس تقول قرف وحيوانيه هو في ايه انتم محسسنى اني هارجع فى وشكم ليه
اذا كان حد فيكم قرا علم نفس حد كده يجيب هرم اوسلوا للحجات الانسانيه ويقراه بتمعن
هايلاقى قايل ايه الراجل الى مالوش دعوه بالدين اهو بيقول ان فى حاجات انسانيه اسمها حاجات البقاء
وقسم حاجات البقاء الى نوعين
بقاء النفس وبقاء النوع
بقاء النفس الى هو الطعام
وبقاء النوع الى هى الحاجه الى الجنس والحاجه الى الامومه
والله العظيم غرائز وحاجات انسانيه عاديه جدا لا تستدعى القرف ولا حاجه عادي لو كنا بنفكر فيها بشكل نضيف كنا نفهم
وسبحان الله عشان النوع يستمر ونيجى احنا للاسف للدنيا فى حاجة الامومه لان الحاجه للجنس لواحدها مش كافيه لبقاء النوع لان ممكن الناس تمارس الجنس وتخلف عيال ترميها جمب الحيط وغير كده سبحانه لما خلقنا كان عارف ان ماما كريمه هاتيجى عندنا وتجبلنا حاجات ببلاش كده
وعموما والله الجنس مش حاجه مقرفه ولا حاجه وممكن تحوله لشعور وعمليه راقيه جدا بين اثنين متجوزين طبعا لكن للناس الى هى سويه وبتفهم مش معقدين ومكلكعين ومش لاقين حد يشمهم
والغرئز الانسانيه موجوده شئنا ام ابينا
وهايفضل الرجل ما حيينا يشتهى المرأه حتى لو كانت لابسه شوال وتفضل المرأه تشتهى الرجل حتى لو كان ماسك حافي
ولا لبس المرأه للاسدال هايغير شيء ولا قلعها هدومها هاغير شيء
ولا كان زمان الغرب بتوع اجدع سلطه فى الجنس ارتاحوا من المشاكل دى الى هى اصلا كتيره وكبيره جدا عن هنا والاخوه الى جايين من بره لو كان عندهم بصيره كانوا فهموا
والى مش شايف الشارع فى بنات قالعه يجى وانا افرجه
وعلى فكره اللبس المحتشم مش دليل على الادب والاخلاق ابدا ولا كونها ريفيه تكون مؤدبه لا حتى اسألوا غيطان الذره
لكن كمان الى لابسه من غير هدوم ممكن تكون مش بتعمل كبائر بس مش ملاك لانها ماشيه وعارفه انها معرض او زى ما ابويا بيقول بيعف عليها الدبان ليل نهار وهى فرحانه بنفسها كده
وطبعا انتم حرين في رأيكم بس ياريت تحترموا الراي الاخر مش تسفهوا
وسلام عليكم

الأربعاء, أغسطس 16, 2006 8:22:00 م  
Blogger ana ga3an said...

مشكلة ليس لها حل ولن تحل
سواء بالدين او بالقوة او بضرب الجزم
و اللي في داء ميبطلوش ابدا

جايز لو اطلقنا مجموعة من العبيد الخصي في الشوارع و الرمح ورا كل بصباص تحل الازمة شوية

الأحد, سبتمبر 03, 2006 2:17:00 م  
Anonymous غير معرف said...

ليه مش كل واحد يخليه ففي خاله ومالوش دعوة بغيره ياستي ياللي عايزه تخصي السباب مالك و ماله؟ فى بنات كتير اتجوزوا من الشارع و البصبصبه بتحصل من الجنسين يا حلوة وياما بنات عاكست رجالة برضة دي غريزة يا حلوة زي الأكل والشرب

الأحد, سبتمبر 10, 2006 1:12:00 م  
Blogger AZ said...

والله يا اخت سقراط اتفق معاكى فى حاجات واعترض على حاجات
يعنى انا موافقه ان الستات بتتحر زى الرجاله.. بس مفهمش ان واحده تتحر تقوم تلبس بنطلون جينز ضيق لدرجه اننى ببقى فعلا عايزه اعرف هى دخلت فيه ازاى وبيبقى منظرها يقرف بصراحه.. وفى نفس الوقت مش فاهمه ده يعمل مشكله ليه... هم فين "الرجاله" اللى بتعترض دول؟؟؟
البلد دى فيها ذكور واناث من الوجهه التشريحه
لكن"رجاله" وستات.. واسعه شويه فى الزمن اللى احنا فيه ده... افضل طلق عليهم ذكور لان تلات ارباعهم بيفكروا باعضائهم التناسليه وده معتقدش انه سبب كافى عشان يتقال عليه راجل

الأحد, سبتمبر 10, 2006 1:53:00 م  
Anonymous Mohammed Adel said...

مش عارف و الله أقول ايه..

السلام عليكم أولاً على رأي مشمشة

أنا متفق معاها في كل حاجة .. بس حبيت أضيف حاجة

اذا رحت اشتريت تليفيزيون توشيبا و مش عارف تشغله و قدامك كتالوجين واحد من توشيبا وواحد من شارب هتستخدم مين؟

احنا ربنا اللي "صنعنا" ادانا كتالوج عظيم جداً نحكم بيه في كل مشاكلنا

فيا جماعة لما ما تعرفوش تتغلبوا على مشكلة في "اجهزتكوا" بصوا في كتالوج "الشركة المصنعة" ..

و بعدين معلش حتى لو اتكلمنا بمنطق اللي بيقولوا حر و بتاع .. لو كان الايشارب بيحرر ما كانش السعوديين لبسوا الغطرة و الشماغ صيف شتا .. و لو كانت الهدوم الواسعة بتحرر عايزين تقنعونا ان الهدوم المحزقة هي اللي بتهوي؟!!

و السلام عليكم..
محمد

الجمعة, سبتمبر 15, 2006 4:58:00 م  
Anonymous غير معرف said...

مهو يا جماعة الحل مش بسيط مسئلة غض البصر اللي انتوا عايزنها ديه ترجع لعوامل لابد من مزجها لنصنع الحل حاجه كده اشبه بمزيج التسويق اللي بندرسة في الجامعة .
الحــــــــــــــــــل
1- الناس تتدين (حط خطين ) تحت الكلمتين دول
2- توفير الزواج الميسر المرضي
3- وجود رادع من الحكومة لغاية الناس متتدين ويحسوا بالرادع الديني
--- القنوات الأباحية والافلام اللي بتباع في كل حته في رمسيس وفي كل حتة مهو يا جماعة متطبوش مستحيل من الناس -----
مهمو بصراحة شاب ذي الطور مش لاقي شغل ولا لاقي حاجه يعملها عبارة عن جينراتور ماشي في الشارع ولقى سلك عريان مهو لازم ينهطل

بصوا توفرلهم سندوتشات الحلاوة بالقشطة يأما توفرلهم الكولة
--- شعارنا موزة لكل مواطن----

الجمعة, مارس 02, 2007 2:01:00 م  
Anonymous غير معرف said...

بسمك اللهم
اختلاف الاراء لايفسد للود قضية صحولا مش صح

ياخوانا الستت هى السبب اه .مية راجل ميعرفوش يخادو اى حاجة من واحدة ست غير لما هى توافق بس ست واحدة ممكن تخلى مية راجل متعلقين بيهاولا ايه


ومن الاخر انا بصيص اد الدنيا والاخرة كمان بس الى لبسة محترم مبقدرش ارفع عينى فيها لكن الى لبسة بدى ومشتملاته دانا بخرم الاستيرتش والبدى من كتر النظر

وعلى فكرة قال رسول الله صلى الله عليه وسلم وهو يخاطب النساء ( ما رايت اذهب منكن لب الرجل العاقل, فاتقو الله) صدق الحبيب

يعنى ياسستت انا مشفتش اكتر منكو ممكن يجنن الرجل العاقل من اى راجل فاتقو الله اتقو الله اتقو الله

الجمعة, مارس 02, 2007 4:39:00 م  
Anonymous غير معرف said...

ento sha3b hy3esh keda w hymot keda w mafesh gded hay7sl low katbtom 3la al haram zat nafso w ana 2sef eny men al sha3b dah salam ya masr ya 2rd al betngan

الثلاثاء, أكتوبر 14, 2008 10:34:00 ص  
Anonymous غير معرف said...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

الخميس, فبراير 19, 2009 10:54:00 م  

إرسال تعليق

<< Home

<
eXTReMe Tracker
Office Depot Coupon Codes
Office Depot Coupon Codes