الاثنين، أغسطس 14، 2006

ويكيبيديا وأساتك وشاي بلبن

حاولت فتح هذا الرابط الذي أدرجه ألِف في هذا التعليق في الحرملك فظهرت لي اللافتة الأكثر شعبية في المملكة

الوصول إلى هذه الصفحة غير مسموح به!
ACCESS TO THE REQUESTED URL IS NOT ALLOWED!
(ما تشوفلكم حاجة مفيدة تعملوها في جامعة الملك بدل ما انتوا فاضيين كدة؟)

الرجاء تعبئة النموذج التالي إذ كنت تري إن الصفحة يجب أن لا تحجب
(وأنا هأعرف منين هو أنا كنت شفتها
)؟

Please, fill out the form below if you believe the requested page should not be blocked:

Form for URL unblocking request

إذا وجدت صفحة أو مجموعة صفحات جديرة بأن تحجب رجاء تعبئة النموذج التالي
(وعلى كل عشر صفحات أبيحة تلقاها هنبعتلك واحدة فري)

Please, send other sites you feel should be blocked using the following form:

Blocking Request Form

________________________________________________________________

حتى وقت قريب كانت كل صفحات ويكيبيديا "الأبيحة" قابلة للفتح
يبدو إن واحد فيه الخير وهو قاعد فاضي في الحر الشديد والصيف الممل جدا هنا قفش ويكيبيديا
استعدوا في السعودية لإغلاق صفحات ويكيببيديا عن الأديان والستات والسمك والكوسة المحشية
الصفحة المعنية على ما يبدو كانت عن شعر العانة في الفن .. أخ .. ناس بتتكلم عن الستات القليلة الأدب التي تترك أثداءها حرة تتحرك يمينا وشمالا بمنتهى الحرية (ده موضوع تاني بقى كبيييييييييييييير) بدون أي اعتبار إنهم لازم يكتموا أنفاسهم بالأساتك عشان مشاعر الرجالة الرهيفة .. إلهي وإنت جاهي .. شد عضلي بسيط مش أكتر يضطر أمثال هؤلاء الرجالة "الحساسة" لربط أقفاصهم الصدرية بالأساتك والمشدات بناء على أوامر الطبيب (شد بسيط يعني مش حاجة كبيرة ولا عاهة مستديمة، حاجة كدة من إل بتيجي من الشعلقة في سور البلكونة عشان البصبصة عالرايحة والجاية) يكتم أنفاسهم ويضيق خلقهم ويكفرهم في عيشتهم وياريت يكون صيف وحر ... ويكون يوم جمعة عشان أعرف أتفرج .. يعني، رباط ضاغط كام يوم مش أكتر .. يمكن يختشوا على دمهم شوية.
إمممم، أنا كنت بأقول إيه؟ آه.. فيه بقى ناس بتتدارس عدم أحقية النساء في تحرير أثدائهن من الأساتك وناس بتتكلم عن أحقية الستات في أعضائهن كاملة .. فيه ناس وفيه ناس .. وفيه ناس وفيه مش ناس .. وفيه دم و فيه مية ساقعة .. وفيه أنانية وفيه إحساس .. وفيه نسكافيه وفيه شاي بلبن .. سكرك إيه؟

16 Comments:

Blogger عمرو غربية said...

أنا فتحت لك الصفحة يا جاين، كلها صور "قبيحة" فعلا.

ممكن انت كمان تستعملي تور. تركبيه في الإصدارة الأخيرة بقى أسهل كثير.

الاثنين, أغسطس 14, 2006 1:19:00 م  
Blogger mizo said...

tayeb khalli balek la ye2felo el blog bta3ek howa kaman, manty btetkallemy f mawadee3 la yajooz el 7adees 3anha f mogtama3at "mo7tarama" zay el mogtama3at el 3arabeyya 2allaty to7afez 3al 3adat wal takaleed el sharkeyya el 2aseela;-) lazem tani a2ool: ya 2omma da7ekat men gahleha el 2omam

الاثنين, أغسطس 14, 2006 2:12:00 م  
Blogger ahmad said...

وفقا لموضوع ع النت
الاباحة ان لاين صناعة ضخمة جدا ، و مواقع النت بتجني أرباح سنوية أكثر من شبكات
ABC, NBC, CBS
مجتمعة
و عشان كده في ٤٥٠ مليون موقع ابيح ع النت
انا اعرف أغلبهم
باقول كده مش دفاعا ولا هجوما على الاباحة لإنها مش موضوعنا
أنا باستغرب الدولة اللي بتبذل جهود عشان اغلاق ٤٥٠ مليون موقع بصفحاتهم !!كام واحد قاعد يشتغل؟
كام واحد بيفني عمره في الحجب بدلا من الكشف و الشفافية
بدلا من البحث و التطوير...

لأ و الكلام عن سايتات البورن بس
هما بيقفلوا المواقع السياسية و الدينيه المغايرة و مواقع الهاكرز و أخيرا ويكي الغلابة

حاجة تقرف

اللينك أهوه صحيح للي عاوز
http://www.protectkids.com/dangers/stats.htm

تحية

الاثنين, أغسطس 14, 2006 2:37:00 م  
Blogger hesham said...

سكرى زيادة

الاثنين, أغسطس 14, 2006 5:29:00 م  
Blogger hesham said...

سكرى زيادة

الاثنين, أغسطس 14, 2006 5:29:00 م  
Blogger Socrates said...

صاحب الأشجار: أنا حملت توربارك فعلا بس دايما مشغول

قلنا صور "أبيحة". لو سمحت ما تطبقش الفصحى على العامية :)

ميزو: أيوة، تصور واحد مخصوص شغلته يقرا البلوج بتاعي ويقفل الصفحات قليلة الأدب، أصل هما دلوقتي بعد ما اتقدموا بقى بيقفلوا الصفحات بس مش الموقع كله

أحمد: كنت أقول لـ"ياء" إن وظيفة ذلك الشخص الذي مهمته إغلاق المواقع لابد وإنها أكثر وظيفة عليها طالبين "للقرب" هنا

الثلاثاء, أغسطس 15, 2006 10:45:00 ص  
Blogger mizo said...

la2 da takaddom 3azeem fe3lan:)) kwayyes bardo el takhallof leeh miza, byefta7 foras 3amal kteer!!

الثلاثاء, أغسطس 15, 2006 4:29:00 م  
Anonymous Yahya_Ayash said...

انتي بتعملي إيه في السعودية؟!
أنا في السعودية ومخنوق وعايز امشي في أقرب فرصة!!..

السبت, أغسطس 19, 2006 2:19:00 م  
Blogger { 13 } said...

Just Found it!

الأحد, أغسطس 20, 2006 7:45:00 م  
Blogger 2 B || ! 2 B ® said...

lol@Yahya_Ayash :)
At the same time I add my voice to him regarding what you are doing in KSA "3'altetik bardo, fee 7ad ye3mil kida bardo hinak :P"! It doesn’t make any sense (living there) according to what I’ve known about you from your bloged thoughts.

But I hope that you are enjoying your (hopefuly temp) stay there, and whatever makes you happy.

Cheers,

الثلاثاء, أغسطس 22, 2006 1:01:00 ص  
Blogger Chai-7aleeb said...

سمعت شاى بلبن ، وجيت ركض

الأربعاء, أغسطس 23, 2006 6:00:00 م  
Anonymous غير معرف said...

ما تشيلى صورة الشرقاوى ده بقى هو مش طلع خلاص ولا هو شرقاوى ده بقى رمز مصر ولو كان هو رمز مصر يبقى اتفو على مصر

السبت, أغسطس 26, 2006 3:13:00 م  
Anonymous غير معرف said...

واحد فى اخلاق شرقاوى لا يصلح لتمثيل المناضلين رجاء يا معجبة هانم اسالى عن ماضيه في كفر الشيخ وسمعته هناك واين ذهب كل اصدقاؤه القدامى وماذا فعل فى فتيات احببنه وماذا سيفعل بكم بمجرد ان يتسلق السلمه الاجتماعيه التى تمثلونها بالنسبه له
صحيح مش محمد ده كان له اصحاب قبل ما يعرف شلة المدونين النيو ليبرال والنيو سوشيال راحو فين صحابه دول ولا انتم فاكرين انكم اول ناس يعرفهم
ياريت تعرفوه اكتر وصدقونى ها تتمنوا عمركم ما عرفتوه

السبت, أغسطس 26, 2006 3:17:00 م  
Blogger A night dreamer said...

A very new prospective ...hahaha thx for ur blog...has been long time havent read something unique like that..keep going..best wishes

الثلاثاء, أغسطس 29, 2006 5:08:00 م  
Blogger sara said...

el link sh3'al yabny we el saf7a abeee7aaaaaaaaaaa

الخميس, سبتمبر 14, 2006 2:12:00 ص  
Blogger sara said...

basr7a el link sh3'l yabny .. we el saf7aa abeeeeeeeee7a

الخميس, سبتمبر 14, 2006 2:13:00 ص  

إرسال تعليق

<< Home

<
eXTReMe Tracker
Office Depot Coupon Codes
Office Depot Coupon Codes