آه يا ضرسي!

بالرغم من كافة مساوئهم، فسيعجز الأطباء البشريون عن الوصول إلى ذيل القائمة. فما زال هناك أطباء الأسنان.

أوف من أعماق أسناني الموجوعة.
إيه احتمالات إن طبيب ما يعرفش يخدر العصب بتاعك مرتين؟
لما الطبيب يصمم برأس والدته إنك أكيد متخدر فبالتالي الوجع إل إنت حاسه ده مش موجود المفروض المريض المحصور على الكرسي يعمل إيه؟
هما دكاترة الأسنان مش هيبطلوا الحركة غير المحترمة بتاعة وضع "العدة" بتاعتهم على صدر المريض كإنه ترابيزة؟
هو إنتِ ما أخدتيش مضاد حيوي قبل ما نفتح العصب؟ أووووووبس
مالك يا دكتورة؟
أبدا، مضغوطة شوية النهاردة، معانا عيانة فوبيك!
أنا فوبيك يا بنت الذينا! فتحت عصب الضرس وهو ملتهب إلى حد تورم الغدد اللمفاوية أسفل الفك! وكل إل هاممها: "أنا مدية التخدير صح، أنا مدية التخدير صح!" حد قالك إنك في امتحان عملي. تخدير إيه إل هيشتغل مع التهاب ده؟ دي سنة أولى تخدير
لما عيان يخش يقولك إنه بيخاف من الحقن - ومن غير ما يقولك المفروض - تحط بنج سطحي قبل ما تستعمل الحقنة يا دكتور. مش عارفة ليه متهيألي أطباء الأسنان فاكرين إنه ممكن حد يكون مش بيتوجع من الحقنة إل داخلة في العضم بتاعه. هو استعمال المخدر السطحي بيكلف إيه؟ يا سيدي قول للعيان يجيبه معاه وهو جاي.
لما ما تعرفش تخدرني دي غلطتك مش غلطة بقي.
أرجوك لما حد يسألك:"دكتور فلان زميلك كفء ولا لأ" قول الحقيقة!
أنا بأكتب الكلام ملخبط على بعضه ... بأكتب زي علاء :)
آه يا ضرسي!