تيتر
حكموكي ما حكموكي
بردو المصري مصري
والمملوك مملوكي
لو ربطوا إيدينا
بكرة نحرروكي
م السلطان والوالي
والعهد المملوكي
حكموكي ما حكموكي
بردو المصري مصري
والمملوك مملوكي
إوعي تباتي حزينة
يا حرة يا زينة
******************************************
قصر السلطان عالي البنيان
حجرة فضة
وحجرة مرجان
وأراضي بتاع ألفين فدان
اسمها بستان
قصر الوالي
طبعا عالي
مليان حتى لو يكون خالي
بدهب وفاروز
وكنوز ف كنوز
وإن شبعت بطنه اليد تعوز
وإن عازت يده السرقة تجوز
أمال إزاي يبقى الوالي
وبيوت الناس
بيوت الناس
لا حيطان ولا أثاث
ولا ليها لون
ولا ليها مقاس
حيطانها طين
أصواتها أنين
حيطانها طين ... أصواتها أنين
وغناها حزين
وف وسط الضلمة تهل إنت
ولا نعرف مين فين أو امتى
ترفع بنيان الغلبان
وتطاطي بنيان الوالي
ترفع بنيان الغلبان
وتطاطي بنيان الوالي
وترقص قصر السلطان
مسلسل على الزيبق إل بأحب الأغاني بتاعته بيتذاع على قناة المحور الساعة 7 مساءا. مقدمين الدرك سنقر الكلبي وحسن راس الغول والمقدم دليلة وحبظلم وكعبورة والعُيْاق والوالي وقاضي القضاة. كل الأسامي اللماعة إل اتعلقت في خيال الطفل لما شفت المسلسل أول مرة من كتير قوي قوي قوي
posted by سؤراطة at الثلاثاء, سبتمبر ٠٤, ٢٠٠٧
5 Comments:
دي صدفة غريبة يا سقراطة :)
أنا كنت لسة باغني الغنوة دي وفاكراها جدا وباسمعها بقى لي أيام
أنا كنت دورت عليها من فترة ولقيتها هنا ونزلتها:
http://elaghani.blogspot.com/2005/03/blog-post_24.html
عشان لو ماكانتش عندك
هابقى أحاول ألحق المسلسل على المحور :)
ربنا يسعدك
زي ما أسعدتنا كده
هي فعلا تستاهل تتغني وتقرأ مرات ومرات ومرات
هبة:
أنا بأحب الأغنية دي جدا
متشكرة على الرابط
على فكرة أنا بقت واحدة من أمنيات حياتي إنك تأخديني معاكي أي حتة في مصر القديمة عشان بأسمع إن التجول معاكي هناك بيبقى حاجة تانية خالص
يافندم إنت تأمري :)
الحكاية كلها في الأماكن نفسها مش في أي حد :)
إبعتي لي بس ونتفق على ميعاد.
بس علي الزيبق الحقيقي كان حرامي مش بطل مقاومة شعبية !
إرسال تعليق
<< Home