من اﻷرض للمريخ... خليك عندك يا حجي
http://www.elwatannews.com/news/details/425539
نقلت جريدة الوطن عن لسان #عصام_حجي (الموجود خارج البلاد ومش فاضي خالص لشغل السياسة):
"وكشف أن رئيس الجمهورية ووزير الدفاع لم تجر استشارتهما فيما عُرض من معلومات وتفاصيل حول الاختراع، وأنه مجهود فردى لبعض الأشخاص، مؤكداً أن الرئيس عدلى منصور والمشير عبدالفتاح السيسى فوجئا بما قيل عن الاختراع دون الرجوع إليهما، وأن حضورهما لمؤتمر الإعلان عن الجهاز لا يعنى موافقتهما عليه"
مين فيكم إل بيعرض للبيصي ومنصور؟ إنت يا #عصام_حجي وﻻ الوطن؟
إيييييييييييييييه يا دكتور... هو فرح وكانوا رايحين يفتتحوا البوفيه؟ مش معنى إنهم صقفوا ومر أسبوع وإنت نايم على ودانك كل يوم تتضاعف فيه المصيبة إنهما موافقان وﻻ أنت طبعا يا عالم يا كبير، مش كدة؟ أبسولوتلي. دول شربوهم حاجة أصفرة والمتحدث العسكري ده بيتحدث عن المريخ، بس إحنا إل اتلخبطنا. إنت عارف المريخ طبعا يا دكتور #عصام_حجي..
سكتت دهرا ونطقت كفرا. أي فائدة أو تدارك سياسي للمصيبة التي يقع جزء صخم من مسئوليتها على أكتاف كرسيك تفيده الوثائق العلمية المكتوبة باﻹنجليزية لشعب نصفه ﻻ يقرأ العربية نفسها تعلق بأمل في وجيعة كُبرى وأُسقِط في فخ بأحط الوسائل النفسية. الخطة تمت بنجاح. الناس صدقت. بعد كدة كل ما يفيده رد فعلك التافه هو أمرين: "إبراء ذمتك العلمية" أمام المجتمع العلمي عالميا، المجتمع الذي أنت جزء منه وتعلم تماما أنه همك اﻷصلي والثاني هو إبراء السيسي ومنصور من الجريمة بشهادتك الساذجة. عسى أﻻ تكون "اتفاجئت" إنك في منصب سياسي ولست فيه لتبحث عن الماء في المريخ بعد اﻵن وعليك واجب ووجب عليك الحساب العسير ومادام عارف إنك مش فاضيلنا ما كانش فيه أي داع لقبول المنصب وطالما بشهادتك أن هذه ليست "أول مرة" يتم فيها فضح مصر علميا بهذا الشكل المشين... استقالة جنابك المسببة فين؟
إن كنت ناسي... نفكرك:
قبل عشر سنوات وأكثر سطرت يا #عصام_حجي استقالة ساخرة قاسية مسببة نُشِرت على صفحات الجرائد ردا على كلية العلوم التي أرسلت لك "انذارا بالفصل" ﻷنك لم تستجب ﻻستدعائك "لتصحيح أوراق امتحانات" بينما كنت تعمل جنبا إلى جنب مع علماء العالم في مشروع استكشاف المياه على المريخ في ناسا. وقف كل من استطاع إلى جانبك وكانت استقالتك موقفا مشرفا واستُخدمت مثالا على "تطفيشنا" لعلمائنا ونوابغنا.
كانت هذه ردة فعلك على سخافة قبل عشر سنوات وأكثر وكنت في مكانة علمية أقل كثيرا من اليوم، فأي ردة فعل نراها منك اليوم وأنت مسئول؟
فليذهب مريخك إلى الجحيم، كفاية سذاجة اقتراحاتك بأن "تقتحم مصر مجال الفضاء" وإحنا مش عارفين نقتحم مجال الأرض. تصريحك الساذج ده صوت العالم مش صوت السياسي وإحنا محتاجين دلوقت ساسة. هناك مصيبة تمس 20% على أقل تقدير من الشعب المصري وقعت قبل أسبوع كامل وأنت نايم على ودانك. بتقرا اﻷخبار في الجرنال وتسمعها في التلفزيون ويمكن عالم أجنبي ما قدرش يمسك نفسه وضحك وإنت معدي وبعدها بيومين عرفت هو كان بيضحك على إيه. ولسة "هتقابل" البيصي ومنصور لما ترجع بعد يومين ومصيبة الشعب تتضاعف كل يوم.
إنت مدرك إنك مسئول أساسي عن هذه المصيبة والدفاع عن باقي المسئولين عنها والتلاعب بشعب بأكمله؟ تحمل مسئولية "الكرسي". منظرك وسط علماء العالم ما يهمناش. فيه ناس هتموت في تجارب بمواد ﻻ علم ﻷحد بها. لو وصلت إنك تسيب مريخك وجامعاتك وتقف قدام كل مستشفى عسكري وتفهم كل مريض داخل إنه رايح في سكة إل يروح ما يرجعش عشان تشيل مسئوليتك فده مش كتير مادام قبلتم كراسي الحكم إل #العسكر نجدوهالكم عشان يلمعوا بيكم الصالون .
أما لو جاي تعرض فالمشرحة مش ناقصة قتلى ومنافسينك كتير. ارجع مريخك. استعوضنا قبلك في #زويل ومصيبته مقارنة بمصيبتك ﻻ تُرى بالعين المجردة.
لو مش مدرك إنك في منصب سياسي وسط ثورة ومش واخد بالك إن "العملية التعليمية" نفسها واقفة خدمة لأغراض العسكر السياسية حِل عننا وادعي إن مصيبتك تتنسى وننساك.
والعسكر التوافه بتوع "الجهد المنفرد" يا ترى تمت محاسبتهم على نشر أخبار كاذبة؟ تضليل الرأي العام؟ إساءة استغلال مناصبهم؟ اﻹساءة لسمعة مصر عالميا؟ (ده إنت يا سيادة المستشار إل بتتهمهم بكدة). هل في 24 ساعة تمت توجيه تهم نشر إشاعات من شأنها تكدير السلم العام إل شباب الثورة يا زينة الشباب معتقلين بسبب اتهامهم باﻻتهامات دي واترموا في السجون؟ راحولهم زوار الفجر أخدوهم من وسط عيالهم على قائمة الجرائم الطويلة؟ نقابة اﻷطباء هزت طولها عشان تسحب تراخيصهم؟
إنت مدرك معنى تكالب مرضى اﻻلتهاب الكبدي الفيروسي سي على المستفيات العسكرية من كل أنحاء الجمهورية طلبا للعلاج السحري؟ إنت مُدرِك أي حاجة بصفتك في منصب سياسي؟
ﻻ وقت للعدالة اﻻنتقالية. ﻻ وقت للعملية التعليمية. ﻻ وقت لحماية حقوق اﻹنسان. ﻻ وقت للحديث عن التعذيب واﻻعتقال العشوائي.
إنما فيه وقت للـ #كفتة
ياللا جنب اخواتك. أصل إحنا كنا مستنيين جنابك تتنحنح بعد الفضيحة العالمية والمصيبة الداخلية عشان تقولنا إن "المنهج مش علمي". ﻷ جبت التايهة. عرفتها إزاي دي؟
#المرار_الطافح
نقلت جريدة الوطن عن لسان #عصام_حجي (الموجود خارج البلاد ومش فاضي خالص لشغل السياسة):
"وكشف أن رئيس الجمهورية ووزير الدفاع لم تجر استشارتهما فيما عُرض من معلومات وتفاصيل حول الاختراع، وأنه مجهود فردى لبعض الأشخاص، مؤكداً أن الرئيس عدلى منصور والمشير عبدالفتاح السيسى فوجئا بما قيل عن الاختراع دون الرجوع إليهما، وأن حضورهما لمؤتمر الإعلان عن الجهاز لا يعنى موافقتهما عليه"
مين فيكم إل بيعرض للبيصي ومنصور؟ إنت يا #عصام_حجي وﻻ الوطن؟
إيييييييييييييييه يا دكتور... هو فرح وكانوا رايحين يفتتحوا البوفيه؟ مش معنى إنهم صقفوا ومر أسبوع وإنت نايم على ودانك كل يوم تتضاعف فيه المصيبة إنهما موافقان وﻻ أنت طبعا يا عالم يا كبير، مش كدة؟ أبسولوتلي. دول شربوهم حاجة أصفرة والمتحدث العسكري ده بيتحدث عن المريخ، بس إحنا إل اتلخبطنا. إنت عارف المريخ طبعا يا دكتور #عصام_حجي..
سكتت دهرا ونطقت كفرا. أي فائدة أو تدارك سياسي للمصيبة التي يقع جزء صخم من مسئوليتها على أكتاف كرسيك تفيده الوثائق العلمية المكتوبة باﻹنجليزية لشعب نصفه ﻻ يقرأ العربية نفسها تعلق بأمل في وجيعة كُبرى وأُسقِط في فخ بأحط الوسائل النفسية. الخطة تمت بنجاح. الناس صدقت. بعد كدة كل ما يفيده رد فعلك التافه هو أمرين: "إبراء ذمتك العلمية" أمام المجتمع العلمي عالميا، المجتمع الذي أنت جزء منه وتعلم تماما أنه همك اﻷصلي والثاني هو إبراء السيسي ومنصور من الجريمة بشهادتك الساذجة. عسى أﻻ تكون "اتفاجئت" إنك في منصب سياسي ولست فيه لتبحث عن الماء في المريخ بعد اﻵن وعليك واجب ووجب عليك الحساب العسير ومادام عارف إنك مش فاضيلنا ما كانش فيه أي داع لقبول المنصب وطالما بشهادتك أن هذه ليست "أول مرة" يتم فيها فضح مصر علميا بهذا الشكل المشين... استقالة جنابك المسببة فين؟
إن كنت ناسي... نفكرك:
قبل عشر سنوات وأكثر سطرت يا #عصام_حجي استقالة ساخرة قاسية مسببة نُشِرت على صفحات الجرائد ردا على كلية العلوم التي أرسلت لك "انذارا بالفصل" ﻷنك لم تستجب ﻻستدعائك "لتصحيح أوراق امتحانات" بينما كنت تعمل جنبا إلى جنب مع علماء العالم في مشروع استكشاف المياه على المريخ في ناسا. وقف كل من استطاع إلى جانبك وكانت استقالتك موقفا مشرفا واستُخدمت مثالا على "تطفيشنا" لعلمائنا ونوابغنا.
كانت هذه ردة فعلك على سخافة قبل عشر سنوات وأكثر وكنت في مكانة علمية أقل كثيرا من اليوم، فأي ردة فعل نراها منك اليوم وأنت مسئول؟
فليذهب مريخك إلى الجحيم، كفاية سذاجة اقتراحاتك بأن "تقتحم مصر مجال الفضاء" وإحنا مش عارفين نقتحم مجال الأرض. تصريحك الساذج ده صوت العالم مش صوت السياسي وإحنا محتاجين دلوقت ساسة. هناك مصيبة تمس 20% على أقل تقدير من الشعب المصري وقعت قبل أسبوع كامل وأنت نايم على ودانك. بتقرا اﻷخبار في الجرنال وتسمعها في التلفزيون ويمكن عالم أجنبي ما قدرش يمسك نفسه وضحك وإنت معدي وبعدها بيومين عرفت هو كان بيضحك على إيه. ولسة "هتقابل" البيصي ومنصور لما ترجع بعد يومين ومصيبة الشعب تتضاعف كل يوم.
إنت مدرك إنك مسئول أساسي عن هذه المصيبة والدفاع عن باقي المسئولين عنها والتلاعب بشعب بأكمله؟ تحمل مسئولية "الكرسي". منظرك وسط علماء العالم ما يهمناش. فيه ناس هتموت في تجارب بمواد ﻻ علم ﻷحد بها. لو وصلت إنك تسيب مريخك وجامعاتك وتقف قدام كل مستشفى عسكري وتفهم كل مريض داخل إنه رايح في سكة إل يروح ما يرجعش عشان تشيل مسئوليتك فده مش كتير مادام قبلتم كراسي الحكم إل #العسكر نجدوهالكم عشان يلمعوا بيكم الصالون .
أما لو جاي تعرض فالمشرحة مش ناقصة قتلى ومنافسينك كتير. ارجع مريخك. استعوضنا قبلك في #زويل ومصيبته مقارنة بمصيبتك ﻻ تُرى بالعين المجردة.
لو مش مدرك إنك في منصب سياسي وسط ثورة ومش واخد بالك إن "العملية التعليمية" نفسها واقفة خدمة لأغراض العسكر السياسية حِل عننا وادعي إن مصيبتك تتنسى وننساك.
والعسكر التوافه بتوع "الجهد المنفرد" يا ترى تمت محاسبتهم على نشر أخبار كاذبة؟ تضليل الرأي العام؟ إساءة استغلال مناصبهم؟ اﻹساءة لسمعة مصر عالميا؟ (ده إنت يا سيادة المستشار إل بتتهمهم بكدة). هل في 24 ساعة تمت توجيه تهم نشر إشاعات من شأنها تكدير السلم العام إل شباب الثورة يا زينة الشباب معتقلين بسبب اتهامهم باﻻتهامات دي واترموا في السجون؟ راحولهم زوار الفجر أخدوهم من وسط عيالهم على قائمة الجرائم الطويلة؟ نقابة اﻷطباء هزت طولها عشان تسحب تراخيصهم؟
إنت مدرك معنى تكالب مرضى اﻻلتهاب الكبدي الفيروسي سي على المستفيات العسكرية من كل أنحاء الجمهورية طلبا للعلاج السحري؟ إنت مُدرِك أي حاجة بصفتك في منصب سياسي؟
ﻻ وقت للعدالة اﻻنتقالية. ﻻ وقت للعملية التعليمية. ﻻ وقت لحماية حقوق اﻹنسان. ﻻ وقت للحديث عن التعذيب واﻻعتقال العشوائي.
إنما فيه وقت للـ #كفتة
ياللا جنب اخواتك. أصل إحنا كنا مستنيين جنابك تتنحنح بعد الفضيحة العالمية والمصيبة الداخلية عشان تقولنا إن "المنهج مش علمي". ﻷ جبت التايهة. عرفتها إزاي دي؟
#المرار_الطافح
posted by سؤراطة at الأربعاء, فبراير ٢٦, ٢٠١٤
<< Home