الأحد، فبراير 26، 2006

نهيتك ما انتهيت - يا رزل!ا

من يومين وجدت هذا التعليق على تدوينة نرجس


"مشاركة من اسرة اول برنامج اذاعى عن الأنترنت فى العالم العربى نذيع تهنئه خاصه للعروسين المدون والمدونه نقلا عن بلوج على القهوه الساعه 11 وخمس دقائق صباحا على أذاعة البرنامج العام اف ام 107 واربعه من عشره او على القمر الصناعى نايل سات قسم الراديو البرنامج الأول
ويمكن تتبع التفاصيل بزيارة موقع البرنامج

www.geocities.com/cairocomputer2002/mypage


Anonymous said...

عفوا سقط سهوا ان موعد الأذاعه السبت 24 فبراير الحالى الساعه 11 وخمسه صباحاً

( واليوم اكتشفت إن البرنامج أرسل رسالة الكترونية بنفس النص بتاريخ 21 فبراير لم أفتحها)

تفهم إيه من الكلام ده؟ غير يعني إن اليوم لا يوافق التاريخ؟ (24 فبراير كان يوم جمعة)

أنا فهمت إن البرنامج هيذيع "تهنئة" للعروسين – عزبي وإيمان -، وفي الغالب هتكون تلك التهنئة هي التي كتبتها لهما في تدوينة: بلوجر ودروبال راسين في الحلال

لاحظ هذه الجملة:

"مشاركة من اسرة اول برنامج اذاعى عن الأنترنت فى العالم العربى نذيع تهنئه خاصه للعروسين"

البرنامج – مشاركة وانسانية منه – عايز يشاركنا الفرح باصحابنا ويقدم التهنئة.

توجست بصراحة أول ما قرأت التعليق:

أولاً: البرنامج له قصة ليست بعيدة جداً حدثت مع رحاب بسام، وقيل فيها ما قيل، وأصبح واضحاً إن المدونين غير مرحبين لا بنقل أعمالهم بدون إذن، ولا بالحذف والتحرير.

وتبجح القائمون بالبرنامج بعبارات من نوع: "انقاذ النص من الركاكة"

ثانياً: لماذا هذا التعليق المبهم؟ والعبارات التي تحمل معنى: "احنا مش عايزين منكو حاجة يعني، دي حاجة مننا كدة هنقرا أساميكو في برنامج ماما نجوى، حسنة وأنا سيدك"

المدهش إن البرنامج في "مشاركة منه باذاعة تهنئة للعروسين" لم يذكر أسماء العروسين ولا أسماء مدوناتهم المذكورة في التدوينة – في شكل روابط، ولا حتى ما ذكر عنهم هم في التدوينة! قاموا بحذفه بالكامل! تهنئة في فضاء الزن حيث تعرف الأرواح بعضها بعضاً بدون أسامي ولا أي اشارات! مدون ومدونة! ولا حتى أسماء مواقع "بلوجر ودروبال" – عشان الإعلان طبعاَ.

نهنئ مدون ومدونة بمناسبة ارتباطهم! يا حلولي!

وحاول البرنامج استخدام ما "اقتطفه وعدله" من التدوينة "لتعليم المستعمين شوية معلومات" عن انترنت، مش أول برنامج عن انترنت في العالم العربي؟ ولسبب مجهول حذفت من المعلومات الجديدة كلمة: "تدوينة"، بينما تم تعريف كلمات: "بايت ورام".

غنى عن الاشارة طبعاً إن التدوينة تم اختصارها وابتسارها وتغيير تعبيراتها بدون اذن من كتبها، وهو حد أصلاً كان استأذن يأخدها؟ الخلاف لدى رحاب كان حول تغيير بضع كلمات، ولكن البرنامج طور نفسه وسمح القائمون عليه لأنفسهم أن ينسبوا لشخص نص لا علاقة له بما كتبه أصلاً بأكثر من سطرين – إذ يبدو إنه تولوا نقاذه من الركاكة التي أدت للتضحية بالأم والجنين والدكتور والعروسين الذي تحججوا بتهنئتهما في السكة!

السادة – للمرة التانية – "بيخطرونا" بمنتهى التعالي إنهم هياخدوا شيء من المكتوب، وهذه المرة – عشان يأخدونا على قد عقلنا: كتبوا: مشاركة منا سنذيع تهنئة للعروسين! عروسين بلا أسماء ولا مواصفات ولا أي شيء! لمن كانت التهنئة "المدعاة" إذن؟ آه: كانت للبرنامج الذي نجح في أن "يأخذنا على قد عقلنا للمرة التانية!" وربما كان هذه هي المرات التي نعرف بها، من يدري كم مرة أخرى لا نعرف بها.

بعد كل ما قيل لدى حدوتة، لا أظن إن هناك ما يقال لهم أكثر، وبغض النظر عن مسائل حقوق الملكية الفكرية والرخص، فيه حاجة اسمها: احترام الآخرين واستئذان الشخص قبل استخدام ما كتبه ولو كان طالب في رابعة ابتدائي، واستئذانه في تحرير ما كتب، ولكن يبدو إن "أول برنامج عن انترنت في العالم" قرر إن انترنت ملكه، وما نكتبه ملكه.

لا أملك إلا أن أتذكر ما حدث مع الدستور، والصحفية "ص" بالأهرام التي استأذنتني لتنقل نص واستأذتني في التعديل - وتكاسلت عن الموافقة لإنها أخبرتني إنها لا تستطع أن تكتب: "طز في وزير الصحة"!

وأخيراً أستعير تعبير حدوتة حين سمعت بالحكاية: "يادي النيلة"!

23 Comments:

Anonymous Alaa said...

أنا مش فاهم حاجة، هي دي اذاعة راديو فعلا ولا حاجة بتبث على النت فقط؟

و هو ده موقعهم فعلا؟ أنا دخلت لقيت حاجة شكلها سخام كده و أغلب الروابط ما بتشتغلش

في ظني العالم دي بتدور على جمهور، هما نفسهم اللي دايرين يرموا تعليقات أن حقيقة بهية أكتشفت و مش عارف ايه.

طناش و مسح دين أم التعليقات أحسن سياسة لحد ما يبانلهم صاحب

الأحد, فبراير 26, 2006 6:29:00 ص  
Blogger Lasto-adri *Blue* said...

كان يفضل بجانب الموضوع يبقى فى قاموس هدية بس موضح معنى كلمة "رزل" زمصدرها "رزالة" بالفوت العريض

عشان واضح فى اسقاطات لغوية كتير

الأحد, فبراير 26, 2006 11:17:00 ص  
Anonymous ألِف said...

"ولا حتى أسماء مواقع "بلوجر ودروبال" – عشان الإعلان طبعاَ"
ذكرتني بالمسلسلات المصرية التي يعملون فيها المستحيل لإخفاء ماركة المياه الغازية من على العبوة، في زمن دخلت فيه بعض هذه الماركات إلى المعاجم باعتبارها أسماء للجنس كله.

الأحد, فبراير 26, 2006 6:44:00 م  
Blogger Eman M said...

يا نهاااااااااااار سُطَل!
أنا قريت عندك التعليق يوم ماالأستاذ بعته و قولت لعزبى عشان نبقى نسمعه

ما افتكرتش إلا دلوقتى و أنا باقرأ كلامك .. الواحد دماغه خلاص :(

ما قالش أسماء؟ حاجة تضحك بجد، بجد حاجة تضحك، طب أقول إيه بس، مش فاهمة طب هوة استفاد إيه دلوقتى؟ إيه هدفه يعنى؟ إيه اللى حققه؟

و أصلاً إستفزاز فعلاً عدم الإستئذان دة، مش من حقه اساساً

الأحد, فبراير 26, 2006 11:47:00 م  
Blogger African Doctor said...

أنا سجّلت الحلقة
بصراحة حاجة تكسف

الاثنين, فبراير 27, 2006 11:48:00 م  
Blogger Socrates said...

إيمان: الحلقة عندي، وكمان أفريقانو سجلها، هأديهالك أول ما أرجع مصر

يا عزيزتي مافيش أي اشارة هو بيهني مين... وأعتقد زي ما أفريقانو قال: كانت حاجة تكسف! ا

الأربعاء, مارس 01, 2006 10:34:00 ص  
Anonymous ألِف said...

البرامج دي أصلا ما فيهاش محتوى، مجرد صوت و خلاص. هيبقى فيها محتوى ازاي بس:
الرقابة بتقفل على أي حاجة جد.
الأسماء يا إما تشهير يا إما دعاية.
التابوهات معروفة
ما يبقاش غير حاجة مالهاش معنى علشان "رجل الشارع العادي" زي ما بيقولو لغاية ما الناس صدقتهم أن احنا ما بنفهمش.

الأربعاء, مارس 01, 2006 2:18:00 م  
Blogger magdi said...

يعنى بعيد عن مود الثوره العدميه عمال على بطال
انا شايف ان كلامكم ده مثال رائع لكرسى فى الكلوب
يعنى الواحد لما يحب يجامل مننزلش عليه هجوم وبعدين ياست على القهوه مانت لم تذكرى اسمى العروسين فى مجاملتك
وهما كانوا حيشموا على ضهر ايدهم وبعدين ذكروا اسم مدونتك على القهوه للى يحب يعرف ودى ما ذكرتهاش فى احتجاجك الذى ارى انه لا مبرر له متقلديش رحاب لأن الموضوع هنا يختلف
ويمكن جعل التهنئه عامه لكل المدونيين بشرة خير نباركلك قريب

الخميس, مارس 02, 2006 9:52:00 ص  
Blogger Eman M said...

magdi
"لم تذكرى اسمى العروسين فى مجاملتك"؟

واضح إن حضرتك ما قريتش التدوينة أصلاً، الأسماء مكتوبة طبعاً.

و بعدين هو ما بيجاملش، و انا فعلاً مش فاهمة هوة هدفه إيه، و كدة أو كدة، فيه حاجة بسيطة أوى إسمها الإستئذان

الخميس, مارس 02, 2006 10:06:00 ص  
Blogger magdi said...

كلمه او همسه فى اذن الأخ علاء
ماذا تقصد بالسخام
هل هو احبار الشرق الوسط ومصرل فى صحف العالم ام احدث اخبار العلم والفضاء والتكنولوجيا واحدث الكتب فى العالم وافضل المواقع
اعتقد ان ليس من الفطنه ادعاء شىء غير حقيقى لأن ممكن زيارة الموقع بسهوله والتاكد كما فعلت
والظاهر هى هوجة تمرد عدمى لن تحل اى مشكله من مشاكلنا ولكن ستزيد الأمور سوءا

وبعدين ياست على القهوه عمرك سمعت حد يقول تسمحلى اجاملك اعتقد ما ينفعش
والكلام موجه لألف الذى يقول انهم مجرد اصوات ياريت تزور الموقع وتشوف فيه ايه
واذا كانت اللغه الأنجليزيه مشكله يوجد رابط لموقع عربى
واسهل من خبط رجلينا فى الأرض نقول لهم اسمى العروسين ونطالبهم باذاعتهما مثلا
متى نتعلم البناء ونبطل الهدم اللى ودانا ورا العالم

الخميس, مارس 02, 2006 10:51:00 ص  
Blogger Socrates said...

مجدي:
واضح إن حضرتك معندكش فكرة عن الكمبيوتر ولا التدوين وياريت ماتكونش ليك علاقة بالبرنامج لحسن يبقى عيب قوي تبقوا: أول برنامج عن انترنت في العالم العربي وحضرتك مش عارف إنه فيه حاجة اسمها: رابط، والرابط ده بيوصلك لمكان، والرابط ده هو إللي كان مكتوب فيه اسم إيمان وعزبي، مش بس أساميهم، ومواقعهم كمان

ثانياً: لما تحب تهني، تهني باللي انت كاتبه، مش باللي حد تاني كتبه وكمان تغير فيه، وبالمرة تلغي كل حاجة اتقالت عن "العروسين محل التهنئة"

ثالثاً: هناك فرق بين اسم المدونة واسم المدون، ولكن لإنه واضح إن معلوماتك عن التدوين قليلة، إليك هذه المعلومة: تحت كل تدوينة هناك جملة صغيرة تقول:
دونها فلان أو
posted by "...."
وهذا هو اسم المُدَوِنْ
يعني أنا "الست سقراط" مش الست على القهوة، عشان تعرف اللغة بتاعة أهل المكان وانت بتكلهم.

رابعاً: يعني إيه ذكروا اسم المدونة؟ طب وإيه يعني؟ لو حضرتك من سيئي الحظ إللي بيسمعوا البرنامج، تبقى عارف إن اسم المواقع بيذكر بالهجاء، بالحروف الانجليزية،وإلا سيصبح من الصعب جداً الوصول للموقع. يعني إللي عايز يعرف مين الشخصين إللي بيتكملوا عنهم مش هيعرف، ده غير -وده طبعاً لضعف معلوماتهم عن المدونات - ضرورة ذكر كود أو اسم التدوينة، وإلا الشخص هيلاقي نفسه في مدونة بحالها ومش هيلاقي التهنئة دي فين.

خامساً: معلومة تانية عن "لغة" أهل المكان: "السخام" هو "تعريب" قام به أحد أوائل المدونين باللغة العربية لكلمة
spam
وهي كلمة تعني محتوى يُقحم لهدف آخر غير الهدف الأصلي للموقع أو البريد الذي أُقحِم فيه وغالباً يكون هدف دعائي أو تشويشي

سادساً: جمل من نوع:
" الثوره العدميه عمال على بطال"
"هى هوجة تمرد عدمى لن تحل اى مشكله"
"متى نتعلم البناء ونبطل الهدم اللى ودانا ورا العالم "

كلام انشاء، من النوع الذي جعل كثير من ساكني التدوين يرحلون عن الاعلام التقليدي

سابعاً:
"وبعدين ياست على القهوه عمرك سمعت حد يقول تسمحلى اجاملك اعتقد ما ينفعش"

وبعدين يا سي مجدي عمرك سمعت عن حد بيجامل من جيب غيره؟ تسمحلي أجاملك بإني آخد جوز جنيهات من جيب إللي جنبك وأديهملك؟

ثامناً:

"ويمكن جعل التهنئه عامه لكل المدونيين بشرة خير نباركلك قريب"

لأ حلوة! ضحكتني بجد يا أستاذ مجدي، يمكن تتفك عقدتي، فكريني يا إيمان أقرصك في ركبتك

تاسعاً:
"متقلديش رحاب لأن الموضوع هنا يختلف
"
دي كمان حلوة: أنا كمان نفسي أبطل أقلد رحاب وتبقى عندي شخصيتي المستقلة بس مش قادرة، رحاب مسيطرة علي تماماً

عاشراً:
"
والظاهر هى هوجة تمرد عدمى لن تحل اى مشكله من مشاكلنا ولكن ستزيد الأمور سوءا"

هي إيه "مشاكلنا" دي؟ إحنا عندنا مشكلة واحدة بنبحثها هي نوع من البلطجة مضاف إليها الجهل من برنامج ساذج. هي مشكلة واحدة، حلها إن البرنامج يتحول لبرنامج محترم أو يسيبنا في حالنا: يستأذن ويلتزم بالمحتوى ويبطل الاعتماد على الشغل الجاهز. بس كدة.

الخميس, مارس 02, 2006 4:00:00 م  
Blogger Socrates said...

أستاذ مجدي:
ده مثل على "السخام" لو مش عارف معنى الكلمة، شخص يدخل بتعليق على مدونة عشان يقول للناس "زوروا الموقع الفلاني" وده ما يكونلوش أي علاقة بموضوع التدوينة

http://lilithwalks.blogspot.com/2006/02/blog-post_27.html#c114119039833927394

الخميس, مارس 02, 2006 4:07:00 م  
Blogger magdi said...

ظريف جدا تحولت المدونات وهى لسه بالمجان لغاية دلوقتى الى نظام امير او اميره واتباع على السمع والطاعه

ياريت حد منكم يزور موقع البرنامج الساذج ويشوف كم المعلومات من كل انحاء العالم وهو لا يقارن باى كلام الذى تحفل بيه المدونات او كما وصفه كاتب فى جريدة الشرق الأوسط بالهرتله وقريبا ستصبح المدونات بمقابل وساعتها سنرتاح من وجع الدماغ
وبعدين الحكايه كلها الناس بيقدموا تهنئه لكل المدونين وبيشرحوا لأغلبية الناس اللى لا علاقة لهم بالأنترنت ولا انتوا عايشين فى بلد تانى غير مصر
وانا علاقتى بالبرنامج انى اتابعه من سنوات وله فضل على فى تعريفى بحجات كثيره جدا واعلم انه بدا ومعظمكم لم يتعلم الكتابه

الخميس, مارس 02, 2006 11:19:00 م  
Blogger magdi said...

انا آسف على الكتابه المتقطعه لأننى اكتب فى لحظات الراحه فى العمل
اولا انا مندهش ان ولا واحد من اللى علقوا بص للموضوع من اى زاويه تانيه مع ان لايخفى على اى منكم وانتم على درجه عاليه من حسن الأدراك والعمق ان لكل موضوع جوانب اخرى
ونيجى لصلب الموضوع الذى لخصته الأخت صاحبة المدونه وهو لا يجوز ان نجامل بان نضع ايدينا فى جيب جارنا ونخرج بكام جنيه
جميل فعلا التشبيه وبليغ فى ايجازه ولكن للأسف لى رد عليه وهو اننا نفعل كلنا ذلك كل لحظه وقبل ان ترهق ملامح اغى حد من الدهشه اقول نحن نفعل ذلك فى كل لحظه عندما نقتبس كلمه او كام بيت من الشعر ونضعهم على بطاقة تهنئه بل ولو عدنا الى عنوان المدونه التى نحن فيها الآن نجد ان صاحبتها اقتبست تحت العنوان سطر او اننين من اغنيه على ما اعتقد
ونحن نفعل ذلك دوزن ان نستاذن من عبد الصبور او درويش او الأخوين رحبانى
ونعود للبرنامج
البرنامج ببراعه شديده وبطريقة السهل الممتنع حقق ضرب عشر عصافير بحجر واحد
اولا عرف جمهور عريض ممن لا يعرفون شيئا عن النت بظاهرة الزواج عن طريق المدونات ولأعطاء شيىء من مذاق المدونات او لمسه واقعيه اقتبس ما لا يزيد عن ثلاثة او اربعة اسطر ولا اعتقد ان هذه الأسطر لا تخرج عن كونها تهنئه وليست عملا فكريا او ادبيا ولا صاحبة المدونه تقصد ان يكون كلامها اكثر من تهنئه

ولاننسى ان من يقوم باستعراض عشرات المدونات والمواقع موظفون سكرتاريه مرهقون لن يتوقفوا كثيرا عند الروابط والسؤال لماذا لم تذكر صاحبة المدونه اسماءهم صراحة وليس كرابط وكان لابد كما اعتقد انهم سيذكرون الأسماء ولعل الروابط لم تعمل

واخيرا اشكر الأخوه الذين زاروا مدونتى لأبداء آراء مختلفه والتى اسميتها عمدا المصريون يفكرون والسبب واضح

الجمعة, مارس 03, 2006 6:14:00 ص  
Blogger Eman M said...

"من يقوم باستعراض عشرات المدونات والمواقع موظفون سكرتاريه مرهقون لن يتوقفوا كثيرا عند الروابط"

اول برنامج اذاعى عن الإنترنت فى العالم العربى (على حد قولكم) و من يعملون فيه لا يتوقفون عند الروابط؟؟؟ و ماذا تساوى الإنترنت من غير الروابط؟

"ولعل الروابط لم تعمل"

الروابط تعمل، و هذه الكلمات تؤكد إن حضرتك لم تقرأ التدوينة

السبت, مارس 04, 2006 2:26:00 ص  
Anonymous غير معرف said...

الآنسه صاحبة المدونه
السيده ايمان
تحيه طيبه وبعد
طبعا ليس اقسى على من يعملون فى

فىوسائل تخاطب الجماهير ان يتسببوا فى ايذاء مشاعر الناس الذين يعتزون بالأنتماء اليهم ويحاولون ايصال صوتهم الى ابعد مكان قدر ماتسمح به ظروف الأعلام فى بلادنا
التى نرجوا من الله ان تتحسن الى ما نرجوه لها جميعا
ومن متابعتنا للجدل الدائر
يتضح ان هناك سوء تفاهم نحن حريصين على ازالته باى وسيله
ولذلك نحن ندخر لكم مفاجاه نرجوا ان تكون ساره وتزيل كل سوء للتفاهم وسنبلغكم عن موعدها فى هذا المكان قريبا جدا
سكرتارية اعداد البرنامج

الاثنين, مارس 06, 2006 2:42:00 ص  
Anonymous غير معرف said...

والآن ندعوا الجميع الى متابعة حلقة السبت 11مارس 2006 فهى تحمل مفاجاه نرحوا ان تكون ساره
والمعلومات المعتاده هى
موجة الأف ام 107 واربعه من عشره
موقع هيئة الستعلامات على الأنترنت
القمر نايل سات قسم الراديو البرنامج الأول
وموعد البرنامج 11 وخمسه صباحا
ويمكن زيارة موقع البرنامج الذى اختصرنا عنوانه الى

http://wakeup.to/computer

سكرتارية اعداد برنامج انت تسال والكمبيوتر يجيب

الثلاثاء, مارس 07, 2006 10:55:00 م  
Anonymous غير معرف said...

يعني هو أنا مجهول علشان سمعتي التدوينية، بس أحب أقول لك من موقعي هازا انه كس أمك على أم سكرتارية التحرير بتاعتك.

هاي :)

الجمعة, مارس 10, 2006 2:08:00 ص  
Anonymous ezabi said...

لسه سامع البرنامج من شوية..
وطلعت ايه المفاجأة يا حلوين؟؟

قلنا أساميكو في الراديو...
ومش بس كده، شردة كمان، سمعتوا يا جدعان؟؟ قال ايه أنا وايمان اتجوزنا خلاص، وايه كمان؟؟

أصلهم متعرفين على بعض عن طريق الانترنت، أصل المدونين دول مالهومش حياة طبيعية، بياكلوا وبيشربوا ويتعرفوا ويتجوزوا على الانترنت.

وقال ايه ايمان قبل الجواز كانت بتقول.. ولا لأ حأسيب الطلعة دي لايمان.

معلش برضو الناس دول معذورين، أنا عارف وضع الشغل في الوسائل دي عامل ازاي، بس كلمة أخيرة، طبعا مش كل حد فاهم كل حاجة، فياريت قبل ماترموا أي حاجة على الهوا تستشيرو حد عنده معرفة كافية.

بالمناسبة أنا أعرف واحد أمه بتشتغل مذيعة في الانترنت وممكن تجيبلنا نتايج الثانوية العامة.

السبت, مارس 11, 2006 11:46:00 ص  
Blogger magdi said...

الى الأخت العزيزه صاحبة التدوينه
اود ان انبهك الى ان الأبقاء على التعليقات المريضه السوقيه يعرضك بالتضامن للمسؤوليه الجنائيه فى جريمة سب وقذف
وكما يعلم كل طفل فى مصر توجد اداره طويله عريضه لتتبع هذه الجرائم والأمساك بمرتكبيها والوصول اليهم فى منتهى البساطه حتى لو كانوا يستخدمون نت كافيه او حتى خارج البلاد
ويكمننى تزويدك بتيلفونات واسماء مسؤولين تتصلى بهم اذا اردت

الأحد, مارس 12, 2006 10:22:00 ص  
Blogger magdi said...

لا افهم لماذا ترك البذاءات فى مدونتك ؟ هل هذا موافقه ضمنيه منك على هذا الأسلوب السوقى ام ماذا عموما احب ان اذكر لك انه تم بالفعل تحديد صاحبة هذا السباب والخطوه التاليه ستكون غير ساره لها بالمره

الاثنين, مارس 13, 2006 10:44:00 م  
Blogger Socrates said...

بأقولك إيه يا عم انت
انت وجعت لي دماغي خالص
أنا اتشمت قبل كدة أنا نفسي وما مسحتش التعليقات
فمش هابتدي أمسح دلوقتي عشان حتة برنامج تافه حرامي شغل
وده مش أسلوبي
إذا انت واخد على نظام الرقابة إنت حر دي مشكلتك

وكفاية مفاجئتكو إللي تقرف
يعني زهقتوا الناس
وبمنتهى السذاجة والسطحية عملتوها "ظاهرة" زواج على الانترنت بدون ما تعرفوا الشخصين دول أصلاً يعرفوا بعض إزاي ولا حكايتهم إيه ألفتوا قصة من عندكوا

وقصة التهديد دي بقى بتاعة مدارس ابتدائي خليهالك
وده إيه الشطارة دي؟ عرفت المدونة إللي كاتبة التعليق المجهول؟ ده إيه التقدم المخابراتي ده؟ يا ترى فيه كمان "مسئولين" نشتكيهم سرقة حاجتنا وتلفيق القصص واختلاس كتابات ناس تانية وبعدين الدفاع عن ده بمنتهى البجاحة؟

وإذا كنت فاكر إن أنا بأسيب على المدونة التعليقات إللي عاجباني بس يبقى راجع المدونة وحاول تفهم، يمكن تفهم حاجة

والمسئولين بتوعك خليهملك، واضح إنهم متمكنين من شغلهم قوي

السبت, مارس 18, 2006 9:29:00 م  
Anonymous magdi2002 said...

ياخ سقراط من السهل ان نشتم ولكن لن انزل لهذا المستوى ولكن اريدك فقط ان تزور موقع البرنامج التافه التى تتحدث عنه لترى بنفسك ان وكاله تافهه مثل رويترز تتعاون معه بالصوت والصوره
ويمكنك ايضا ان تزور موقعه فى الأهرام وتعرف مدى تقدير الخارج له
وانا متاكد انك ستشعر بالخجل من نفسك بعد ذلك
موقع البرنامج

http://wakeup.to/computer
وستجد هناك رابط لموقعه على الأهرام

الخميس, مارس 30, 2006 9:10:00 ص  

إرسال تعليق

<< Home

<
eXTReMe Tracker
Office Depot Coupon Codes
Office Depot Coupon Codes