السبت، أبريل 18، 2009

الردع... كلاكيت عاشر مرة

طيب حد يتعاطف معايا أنا
أنا لم أدن في أي جريمة من قبل ولا أدمنت مخدرات ولا تاجرت فيها ولا اغتصبت واحدة ولا واحد ولا قتلت حد ولا ضربت حد
 ومعظم الناس زيي
ليه عايزين يردعوني ويذيعوا علي الإعدامات على الهوا ولا في مكان عام؟
 كل كام سنة في مصر في ما يسمى بإعلام الموجات تثار مسألة الإعدام علناً عشان "الردع"
 وناس كتير تؤيدها... إيه كمية الغل إل عند البشر دي؟
 الناس عايزة تشوف الناس بتتقتل ليه؟
 "أصلنا شفناهم في غزة، اشمعنى يعني ما نشفش الإعدام؟"
هو فرح يا ناس؟ كون فيه جريمة في غزة يعني ياللا بقى لو منعوا عننا مشاهد العنف هيحصلنا أعراض إنسحاب؟
 اردع الناس إل ناوية ترتكب جريمة، وأكيد منهم الناس إل عايزة تشوف الإعدام، دول أكيد محتاجين ردع لأن عندهم استعداد شديد للعنف وتقبل مرعب ليه - مش تقبل نظري، لأ، ده تقبل عملي، عايزين يشوفوا فعلاً
 لو يوم مثلاً كنت بأعدي ميدان التحرير ولقيتهم بيعدموا واحد أكيد "هأرتدع عن المرور في ميدان التحرير" وهآخد الدائري
 بس افرض عملوا إعدام في ميدان لبنان؟ هأمشي منين؟
 حرام عليكم، أنا مردوعة لوحدي من مشاهد التمثيل في الأفلام، ما بأتفرجش على أفلام عنف، عايزين تردعوني أكتر من كدة إيه؟

إنما بجد، مش ده إل أنا خايفة منه لو نفذوا الإعدام في مكان عام ولا نقلوه على التلفزيون هو إن أنا أضطر أشوفه
 بالنسبة للمكان العام هآخد أجازة عارضة وأمري لله
 وبالنسبة للتلفزيون هأعامل القناة المجرمة إل هتعمل كدة زي القناة الأولى بالضبط، هألغيها خالص
 إنما أنا خايفة على نفسي،
 خايفة الشخص إل ممكن يقتلني وكان عنده شوية "رادع" نفسي عشان عمره ما شاف حد ميت قبل كدة يقايس ويعملها بعد ما يشوف حتى بيتقتل في مكان عام
 خايفة إل ممكن يغتصبني وكان عنده شوية "رادع" عشان بيخاف من العنف لما يشوف عنف القتل يروحوا حبة الردع إل عنده
 خايفة على الناس إل بأحبهم
 وخايفة من كمية التأييد لحفلات الإعدام الجماعية
 كنا طول عمرنا معبئين بالعنف ده ولا دي حاجة جديدة؟ 
 المفروض إننا متعودة أشوف الدم والناس إل مضروبة وإيديها متقطعة إلخ إلخ،
 بس ما أتمناش إن حد تاني يتعود وهو مش مضطر
 لما مجتمع بيفقد خوفه من الدم هيفقد أهم رادع بينه وبين دم الآخرين، وبعدين؟

 الإعدام والعقاب عموماً موضوع كبير، أنا فاكرة مرة كنت بأتكلم مع أجمل مجموعة مراهقات قابلتهم في حياتي ووصلوا في الآخر إن قانون العقوبات المقيدة للحرية والبدنية في واقع الأمر مالهوش فايدة، إنما إحنا محتاجينله عشان نحس إن إحنا قادرين إننا نعمل حاجة، بس النقطة ال فضلت محيراني من وقتها هي الحماسة إل بتاخدنا في البكاء على اللبن المسكوب كحل ما، بمعنى، إل وصل للقتل أكيد عدى على مراحل كتير كان المفروض نكون خدنا فيها خطوات، بس بنفتكر لما نوصل لآخر سكة ونقرر إن المجرم أهه: اعدموه
 ونروح كلنا ننام


25 Comments:

Blogger أحمد said...

في كتاب المراقبة والعقاب، خصص فوكو جزء من الكتاب لتوضيح فكرة ليه مرتكبي الجرائم كان لازم يتم التشهير بيهم، وعقابهم والتنكيل بهم في العلن، بل وحتى إعدامهم في ميدان عام في العلن...
تبرير فوكو او تحليله كان إن مرتكب الجريمة زى القتل مثلاً، ارتكب في الحقيقة جريمتين:
الاولى ضد الضحية
والثانية ضد الملك، لان الملك هو الوحيد صاحب السلطة في منح الحياة او آخذها، لذلك التشهير بالعقاب هو نوع من الوسم الملكى، تخويف للقطيع والآخرين بأن من يخالف أو يتعدى حدود الملك يتم التنكيل به بشكل علنى

حديث فوكو كان يخص النظم العقابية في فرنسا في القرن السابع والثامن عشر ،لكن مطالبة عدد من اعضاء مجلس الشعب والتأيد الفزيع للجمهور المصري لهذا الأمر في عام 2009 هو دليل آخر على نهاية الحضارة هنا
لمزيد من التفاصيل يرجى قراءة مجموعة مراسلات نهاية الحضارة

السبت, أبريل 18, 2009 3:33:00 ص  
Blogger أحمد said...

وشكرا

السبت, أبريل 18, 2009 3:36:00 ص  
Blogger Lasto adri *Blue* said...

كلام أحمد شبه فقرة قرأتها امبارح فى كتاب عن ان الحكومات هى المستفيد الأول من انتشار الجرائم، لانه بيزيد من احساس الناس باحتياجهم لحكومة تحميهم.
وحتى القوانين المشابهة برضو المستفيد منها الأول هو الحكومة لانها بتولد نوع من القلق والخوف، اللى الحكومة ظاهريا بتسعى انها تنهيه.. فتستمر الدايرة المفرغة

تعطش الناس للردع، ورد الحكومة بقرارات أكثر عنفنا، ماهو الا قماشة سودا على عيون المجتمع عشان يتناسى دور الدولة فى توجيه المجتمع.. أو خلينا نقول مساعدة المجتمع على انه يضمن حاضر ومستقبل آمن. آمن بالنسبة لظروف المعيشة، التعليم، الصحة.. الخ.. آمن بكل الأسباب اللى ممكن تحميه من ارتكاب الجرائم
وبما ان دا مابيحصلش.. يبقى تلعب ع الوتر التانى.. الاحتياج من الجهة الأخرى.. وقشطة يعنى.. القطيع ح تبقى لسا مقتنعة ان الدولة كدة بتلعب دورها وزيادة!

السبت, أبريل 18, 2009 10:49:00 ص  
OpenID عمرو غربية said...

انت يا سقراطة كان لازم تقري تعليقات بعض المشاركين على قائمة مراسلات كلنا ليلى. للأسف القائمة مقفولة، لكن مش أنا الوحيد ال لقيت الدعوة للتعذيب مرعبة، لدرجة إني لما اقترحت تطبيقا لمبدأ العين بالعين أننا نطرح المغتصب للاغتصاب العام من المواطنين في ميدان عام (في خيمة طبعا علشان مش منظر)، لقيت ناس بيفكروا في وجاهة طرحي و مدى اتساقه عن "دعوتي" لعقوبات آدمية و كدا.

المهم. الغرض من التعليق هو إني أقول إن النقطة ال طرحتها الست بلو معقولة جدا و صياغتها أوضح من كلام الطفل المعجزة أحمد.

الأحد, أبريل 19, 2009 2:21:00 ص  
Anonymous سقراطة said...

وفي خيمة ليه يا عمرو؟ أمال الردع فين؟ :)
بس زي ما هو معروف الاغتصاب في مكان عام هيبقى الرجالة بيغتصبوا رجالة وبالتالي الضحايا إل هن الليلات لن يشفين غليلهن - وهو غرض من العقاب العام كما يقول المدافعين عنه، والعين بالعين والسن بالسن والبوسة بالبوسة والفعصة بالفعصة :) مفروض "كلنا ليلى" يطالبوا بإن الستات يغتصبوه، مش يوافقوا على اقتراحك الذكوري المشبوه :)

مش متأكدة من مسألة دور "الحكومة" - مش الدولة - في حكاية العقاب العام دي في إثارة الموضوع دالوقت. مش فاكرة إنها طرحت من الحكومة قبل كدة، كانت دايماً اقتراحات "أهلية"، كونها مستفيدة وسعيدة، بل ويمكن المستفيد الأول من الجرائم منطقية ومش من مصلحتها تقليلها طبعاً لأن في تقليلها احتياج أقل للسلطة الحكومية

إنما أنا مشغولة أكتر بالأفراد العاديين... إزاي يرغبوا في ده؟ كل واحد بيفكر إن إل محتاج ردع هو إل جنبه

الأحد, أبريل 19, 2009 3:26:00 ص  
Blogger أحمد said...

هممم
ممكن الستات يلبسوا ديلدو "ازبار صناعية" ويغتصبوا الرجالة؟

الأحد, أبريل 19, 2009 12:16:00 م  
Anonymous غير معرف said...

@ أحمد
هو الاغتصاب بيتحدد بمين بيدخل في التاني؟

الأحد, أبريل 19, 2009 5:35:00 م  
OpenID عمرو غربية said...

صح النوم بقى يا سقراطة في اليوم المفترج دا. اسألي حواليك كدا هتلاقي الناس بيقولوا لك إن مجلس الوزرا و البرلمان و المحاكم و أنا و انت كلنا "حكومة في بعض". على أي حال، ال بتقوله بلو هو إن الدولة مستفيدة من انتشار الجريمة و احساس الناس بالخطر، لأن دا بيسهل شغلها.

الأحد, أبريل 19, 2009 6:21:00 م  
Blogger Lasto adri *Blue* said...

"إنما أنا مشغولة أكتر بالأفراد العاديين... إزاي يرغبوا في ده؟ كل واحد بيفكر إن إل محتاج ردع هو إل جنبه"

زى ما قلت لك يا سقراطة، الناس على عنيها قماشة سودا ومعتقدة انه مافيش حل فورى من الحكومة حاليا غير الردع بأقصى طريقة ممكنة.
مش متخيلين انهم بالطريقة دى "بيرقعوا" المجتمع، لان دور الحكومة فى تأمينهم أصلا ماحصلش

يعنى فى اعتقادى ان الناس اللى بتدافع عن إذاعة الإعدام على التلفزيون مش متعطشة للعنف قوى قوى فى الواقع.. انما معتقدة إن دا يحل مشكلة.
همه محتاجين حبة توضيح وتفتيح دماغ، ان الحل مش بعنف أكبر.. الحل اننا نبدأ فى اصلاح البنية التحتية، ومش عشان النهاردة ولا بكرة.. عشان عشرة وعشرين سنة قدام. بس همه ماتعودوش على كدة.. اتعودوا على عجز فى الميزانية، فجرى للاستلاف من الخارج... فهلم جر

الأحد, أبريل 19, 2009 9:15:00 م  
Blogger :: أبو أدهم :: said...

بصى يا ستى المردوعه
بالنسبة لأحكام الإعدام فمش هتقوى الشخص ناوى يقتلك ولا حاجة , بالعكس دا هيخليه يفكر ألف مرة قبل ما يعمل كدا , ةبعدين انتى واثقة من نفسك انك مش هاترتكبى أى جريمة عشان كدا مش عايزة تشوفى مشاهد اعدام او خلافه , طيب يا ترى انتى واثقة فى كل الناس ؟؟

يعنى كلهم زيك كدا مش ناويين على حاجة وحشة

وبعدين ربنا سبحانه وتعالى قال : وفى القصاص حياة يا أولى الألباب

عشان كمدا لازم العقاب يكون علنى مش فى السر , لأنه لو فى السر محدش هيعتبر ولا هيعم النفع اللى ربنا سبحانه وتعالى
قال عنه انه حياة

ومتبقيش تمشى فى الشارع فى وقت الاعدام لأنهم غالبا هيسألوا على البطايق


شكرا وأسعدنى مرورى

الأحد, مايو 03, 2009 7:00:00 م  
Blogger :: أبو أدهم :: said...

والعين بالعين والسن بالسن والبوسة بالبوسة والفعصة بالفعصة :) مفروض "كلنا ليلى" يطالبوا بإن الستات يغتصبوهآسف بس ممكن اقهم النقطة دى ؟؟

لو زى ما فى دماغى هتلاقى شباب مصر كلهم بكرا الصبح بيسلموا نفسهم بتهم اغتصاب معملوهاش

يا ريت توضيح يا أفلاطونه

الأحد, مايو 03, 2009 7:06:00 م  
Blogger سقراطة said...

أبو أدهم:
"بعدين انتى واثقة من نفسك انك مش هاترتكبى أى جريمة"

آه

" طيب يا ترى انتى واثقة فى كل الناس ؟؟"

لأ وده قلته في التدوينة، إنت ما قريتهاش ولا إيه؟

"يعنى كلهم زيك كدا مش ناويين على حاجة وحشة"

لأ، فيه ناس كتير ناوية على حاجات وحشة أصلاً، مهندس الحي نازل وهو عارف إنه هيرتشي والمدرس نازل وهو عارف إنه هيضرب الأطفال والضابط نازل وهو عارف إنه هيعدب المقبوض عليهم

"وبعدين ربنا سبحانه وتعالى قال : وفى القصاص حياة يا أولى الألباب"

التدوينة مش عن القصاص، التدوينة عن القتل العلني

" لأنه لو فى السر محدش هيعتبر ولا هيعم النفع اللى ربنا سبحانه وتعالى
قال عنه انه حياة"

ويا ترى ممكن نسجن الناس إل ماشية في الشارع خمسة وعشرين سنة عشان ترتدع وما تعملش جريمة عقوبتها الحبس خمسة وعشرين سنة؟ ما هو مش معقول كمان نحبس الناس في السر ونتوقع من الجمهور العادي إنه يرتدع

"والعين بالعين والسن بالسن والبوسة بالبوسة والفعصة بالفعصة :) مفروض "كلنا ليلى" يطالبوا بإن الستات،آسف بس ممكن اقهم النقطة دى ؟"

عشان تفهم النقطة دي تحديداً لازم تقرا التدوينة بقى وتعرف خلفية كلنا ليلى والحكاية كلها وبعدين تبقى تفهم النكتة لوحدك عشان أفلاطونة ليها مقولة خالدة بتقول: "لو ما فهمتش النكتة مش هتضحك حتى لو فهمتهالك"

الأحد, مايو 03, 2009 9:45:00 م  
Blogger magi said...

مدونه رائعه استمتع بتصفحها وكانت صدفه جميله الى وقعتنى فى مدونتك

فعلا العنف لا يولد الا العنف والردع بالاحكام مش بعرضها علانيه على الناس لغايه مجلدهم ينحس ويفقدوا الاحساس

الجمعة, مايو 08, 2009 8:08:00 م  
Blogger Tadwina said...

مرحباً سقراطة
لقد قام أحد المعجبين بمدونتك بإضافتها إلى تدوينة دوت كوم، بيت المدونات العربية.

قام فريق المحررين بمراجعة مدونتك و تصنيفها و تحرير بياناتها، حتى يتمكن زوار الموقع و محركات البحث من إيجادها و متابعتها.
يمكنك متابعة مدونتك على الرابط التالى:
http://www.tadwina.com/feed/774

يمكنك متابعة باقى مدونات تدوينة دوت كوم على الرابط التالى:
http://www.tadwina.com

لعمل أى تغييرات فى بيانات مدونتك أو لإقتراح مدونات أخرى لا تتردد فى الإتصال بنا من خلال الموقع.

و لكم جزيل الشكر،

فريق عمل تدوينة دوت كوم.
http://www.tadwina.com

الخميس, مايو 21, 2009 11:07:00 ص  
Blogger bedo said...

شكراااااااااااااااااااا وأرجو زيارة مدونتي
http://all2earning.blogspot.com

الأربعاء, مايو 27, 2009 1:20:00 م  
Blogger bedo said...

شكراااااااااااااااااااا وأرجو زيارة مدونتي
http://all2earning.blogspot.com

الأربعاء, مايو 27, 2009 1:23:00 م  
Blogger حسام عامر said...

بصراحة يا ست سقراطة الردع هو إسلوب ذو نجاعة حقيقية ولا يختلف عليه ثلاثة مش إثنان
ببساطة أي إنسان هيفكر مليون مرة قبل ما يرتكب جريمته لأنه هيخاف يتعمل فيه زي ما شاف في العلن وبكده هتقل الجرائم ولن يرتكبها إلا الأشخاص ذوي النزعات الإجرامية القوية ودول مش خسارة إننا نشوفهم متشألطين على حبل المشنقة

الأحد, مايو 31, 2009 1:36:00 ص  
Blogger fr7ty said...

بارك الله فيك

موضوع ممتاز

منتديات

http://www.56waat.com/vb

منتدى

http://www.56waat.com

دليل

http://dalil.56waat.com

قران كريم

http://www.56waat.com/quran

قصايد

http://www.56waat.com/hair

منتديات نسائيه

http://www.fr7ty.com/vb

فيديو مقاطع

http://www.fr7ty.com

الأربعاء, سبتمبر 23, 2009 1:32:00 م  
Blogger HABI said...

well this is a nice JN0-532 exam post from your isde it is quiet informative one and i HP0-J15 exam like reading this kind of articles and posts posts thank you for 646-003 exam posting this

الثلاثاء, سبتمبر 29, 2009 6:39:00 م  
Anonymous baludec8 said...

Wow! good post. Useful information. I like your blog.I am follow you. Thanks for share.

الثلاثاء, ديسمبر 08, 2009 6:41:00 ص  
Blogger codecx said...

دردشة شات بنت مصر ، دردشة مصرية - مجتمع مصري ترفيهي للمرأة المصرية
دردشة
بنت مصر
شات بنت مصر
دردشة بنت مصر
شات مصرى
دردشه مصريه
شات بنات مصر
دردشة مصرية
دردشة بنات مصر
بنت مصر
دردشة مصر
شات مصر
دليل بنت مصر-شات بنت مصر - دليل الدردشات
دردشة بنت مصر،شات بنت مصر،بنت مصر،العاب بنت مصر
دردشة بنت مصر،شات بنت مصر،بنت مصر،يوتيوب بنت مصر
شات بنت مصر،دردشة بنت مصر،بنت مصر،جوال بنت مصر
بنت مصر،دردشة شات بنت مصر،توبيكات بنت مصر
دردشة بنت مصر،شات بنت مصر،بنت مصر،مطبخ سيدتى بنت مصر
دردشة بنت مصر،شات بنت مصر،بنت مصر،الازياء والموضة بنت مصر
شات بنت مصر،صور الماسنجر،صور دردشة بنت مصر
شات،شات كتابى،شات بنت مصر،شات مصرى،مصري

الثلاثاء, أبريل 06, 2010 4:44:00 م  
Blogger Honda said...

مدونة الربح
مدونة الربح من جوجل ادسنس
profit blog
مدونة الشلة
مدونة الشله
شات الشلة
شات الشله
مدونة شات الشلة
دردشة شات الشلة
مدونة بنات كول

الاثنين, مايو 17, 2010 2:32:00 ص  
Blogger وتلومني فيك said...

كتب
اخبار الجرايد
تداول
ملخصات
روايات
اكسسورات
كوشات
قصات شعر
اطفال
فساتين اطفال
طبخ
السياحه
صور لاعبين
سيارات
ملابس شباب
افلام انمي
صور انمي
صور
مسلسلات
فنانين
برامج ماسنجر
تواقيع جاهزه
خامات
ملفات مفتوحه
برامج جوال
نغمات
رسائل
برامج الكمبيوتر
خلفيات كمبيوتر
العاب
العاب بلاستيشن
منتدى

الجمعة, يونيو 18, 2010 2:11:00 ص  
Blogger Microsoft Office 2007 said...

Microsoft Office 2010
Office 2010
Office 2007
Microsoft Office
Microsoft Office 2007
Office 2007 key
Office 2007 download
Office 2007 Professional
Windows 7
Microsoft outlook 2010

الثلاثاء, أكتوبر 26, 2010 10:37:00 ص  
Anonymous mekano said...

شات حكايه بنت
شات حكايه بنت
شات حكايه بنت
شات حكايه بنت
شات حكايه بنت

الثلاثاء, مايو 13, 2014 12:24:00 ص  

إرسال تعليق

<< Home

<
eXTReMe Tracker
Office Depot Coupon Codes
Office Depot Coupon Codes